ടാറ്റ മോട്ടോഴ്സ് പുതുക്കിയ നെക്സോണ് ഇവി മാക്സ് XZ+ LUX ഇന്ത്യൻ വിപണിയിൽ അവതരിപ്പിച്ചു. 18.79 ലക്ഷം രൂപയാണ് അതിന്റെ പ്രാരംഭ വില. ഈ വേരിയന്റ് ടാറ്റ നെക്സോൺ ഇവിയുടെ ടോപ്പ് എൻഡ് വേരിയന്റാണ്.10.25 ഇഞ്ച് വലിപ്പമുള്ള വലിയ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം പോലെയുള്ള അപ്ഗ്രേഡുകൾക്കൊപ്പം 3.3 കിലോവാട്ട് ചാർജറും 7.2 കിലോവാട്ട് ചാർജറും ഉൾപ്പെടെ രണ്ട് ചാർജിംഗ് ഓപ്ഷനുകളോടെയാണ് പുതിയ വേരിയന്റ് പുറത്തിറക്കിയിരിക്കുന്നത്.ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റി ഫീച്ചറുകൾ, ഇന്റഗ്രേറ്റഡ് വോയ്സ് അസിസ്റ്റന്റ്, റിവേഴ്സ് പാർക്കിംഗ് ക്യാമറ എന്നിങ്ങനെ ഒന്നിലധികം ഫീച്ചർ അപ്ഗ്രേഡുകൾ പുതിയ ടാറ്റ നെക്സോൺ ഇവി മാക്സിന് ലഭിക്കുന്നു. 40.5kWh ബാറ്ററിയാണ് നെക്സോണ് ഇവി മാക്സിന് ഉള്ളത്. ഇതിന് 453km റേഞ്ച് നൽകുന്നു. 143 കുതിരശക്തിയും 250 Nm ടോര്ക്കും ഉത്പാദിപ്പിക്കുന്ന സിംഗിൾ ഇലക്ട്രിക് മോട്ടോറിൽ നിന്ന് മുൻ ചക്രങ്ങൾക്ക് പവർ ലഭിക്കുന്നു.3.3kW, 7.2kW ചാർജർ എന്നിവ സ്റ്റാൻഡേർഡായി വരുന്നു. ആദ്യത്തേത് ഉപയോഗിക്കുമ്പോൾ, ക്ലെയിം ചെയ്ത 15 മണിക്കൂറിനുള്ളിൽ ബാറ്ററി 0 മുതൽ 100% വരെ ചാർജ് ചെയ്യാൻ കഴിയും, എന്നാൽ രണ്ടാമത്തേത് ഉപയോഗിക്കുമ്പോൾ 6.5 മണിക്കൂർ എടുക്കും. നെക്സോണ് ഇവി മാക്സ് ഡാര്ക്കിന് 50kW DC ഫാസ്റ്റ് ചാർജിംഗ് പിന്തുണയ്ക്കാൻ കഴിയുമെന്ന് ടാറ്റ അവകാശപ്പെടുന്നു, ഇത് 56 മിനിറ്റിനുള്ളിൽ ബാറ്ററി പൂജ്യം ശതമാനം മുതൽ 80 ശതമാനം വരെ ചാർജ് ചെയ്യാം.
Related Articles
Check Also
Close
-
എക്സ്റ്ററിന്റെ ആദ്യ യൂണിറ്റ് പുറത്തിറക്കി ഹ്യുണ്ടായിJune 24, 2023