വിപണിയിലേക്കെത്തുന്നതിനു ദിവസങ്ങൾക്ക് മുൻപ്, നതിങ് ഫോണിന്റെ (2) പ്രീ-ബുക്കിങ് ഫ്ലിപ്കാർട്ടിൽ ആരംഭിച്ചു. ഉപഭോക്താക്കൾക്ക് 2,000 രൂപ റീഫണ്ടബിൾ ഡെപ്പോസിറ്റ് നൽകി ഉപകരണം മുൻകൂട്ടി ബുക്ക് ചെയ്യാമെന്ന് ലണ്ടൻ ആസ്ഥാനമായുള്ള കമ്പനി പറയുന്നു. ജൂലൈ 11-ന് സ്‌മാർട്ട്‌ഫോൺ ലോഞ്ച് ചെയ്‌തുകഴിഞ്ഞാൽ, ഉപഭോക്താക്കൾക്ക് ബാക്കി തുക അടയ്ക്കാനും അവർ വാങ്ങാൻ ആഗ്രഹിക്കുന്ന ഹാൻഡ്‌സെറ്റിന്റെ വേരിയന്റ് തിരഞ്ഞെടുക്കാനും വെബ്‌സൈറ്റ് വീണ്ടും സന്ദർശിക്കാം. പ്രീ-ഓർഡർ ആനുകൂല്യങ്ങൾ ജൂലൈ 20, 11:59 PM വരെ നിലനിൽക്കുന്നുമുണ്ട്. സ്‌നാപ്ഡ്രാഗൺ 8+ Gen 1 ചിപ്പും Nothing OS 2.0 സോഫ്റ്റ്‌വെയറും ആണ് ഫോൺ (2) നൽകുന്നത് . റിപ്പോർട്ടുകൾ പ്രകാരം 6.7 ഇഞ്ച് ഒഎൽഇഡി ഡിസ്‌പ്ലേയും 4700എംഎഎച്ച് ബാറ്ററിയുമുണ്ടാകും. പുന:ചംക്രമണം ചെയ്ത വസ്തുക്കള്‍ ഉപയോഗിച്ചായിരിക്കും നതിങ് ഫോണ്‍ (2) നിര്‍മാണം. ചെമ്പ്, സ്റ്റീല്‍, ടിന്‍ തുടങ്ങിയവയ്‌ക്കൊപ്പം ഫോണിലെ പ്ലാസ്റ്റിക്കിന്റെ 80 ശതമാനവും പുന:ചംക്രമണം ചെയ്തതായിരിക്കും. വില്‍പ്പനയില്‍ആഗോള തലത്തില്‍ തന്നെ മികവുറ്റ പ്രകടനം കാഴ്ചവച്ച നതിങ് ഫോണ്‍ (1) മോഡലിന്റെ വലിയൊരു ഇന്ത്യയില്‍ തന്നെ നിര്‍മിച്ചതായിരുന്നു. ഇന്ത്യയിലും ഇത് ധാരാളമായി വിറ്റു പോയിരുന്നു. സുതാര്യമായ ഡിസൈനാണ് നതിങിന്റെ ഡിവൈസുകളെ എടുത്തുകാണിക്കുന്ന ഘടകങ്ങളിലൊന്ന്.
