സാംസങിന്റെ പുതിയ സ്മാര്‍ട്‌ഫോണ്‍ ഗാലക്‌സി എം33 5ജി പുറത്തിറക്കി. എം32 5ജിയുടെ പിന്‍ഗാമിയാണിത്.സാംസങ് ഗാലക്‌സി എം33 5ജിയുടെ 6 ജിബി റാം + 128 ജിബി പതിപ്പിന് വില 17999 രൂപയാണ്. 8 ജിബി റാം + 128 ജിബി സ്റ്റോറേജ് പതിപ്പിന് 19499 രൂപയാണ് വില. ഓഷ്യന്‍ ബ്ലൂ, ഗ്രീന്‍ എന്നീനിറങ്ങളില്‍ ഏപ്രില്‍ 8 മുതല്‍ ഫോണുകള്‍ വില്‍പനയ്‌ക്കെത്തും. 6000 എംഎഎച്ച് ബാറ്ററിയും 120 ഹെര്‍ട്‌സ് ഫുള്‍ എച്ച്ഡി പ്ലസ് ഡിസ്‌പ്ലേയും ഇതിന്റെ മുഖ്യ സവിശേഷതയാണ്.1080 x 2408 പിക്‌സല്‍ റസലൂഷനുള്ള 6.6 ഇഞ്ച് ഐപിഎസ് എല്‍സിഡി ഡിസ്‌പ്ലേയാണിതിന്. 120 ഹെര്‍ട്‌സ് റിഫ്രഷ് റേറ്റുണ്ട്. കോര്‍ണിങ് ഗൊറില്ല ഗ്ലാസ് 5 സംരക്ഷണമുണ്ട്.സാംസങ് എക്‌സിനോസ് 1280 5എന്‍എം പ്രൊസസര്‍ ആണിതിന്.നാല് ക്യാമറകളുണ്ട് ഇതിന്. 50 എംപി പ്രധാന ക്യാമറ, 5 എംപി അള്‍ട്രാവൈഡ് ക്യാമറ, 2 എംപി ഡെപ്ത് സെന്‍സര്‍, 2 എംപി മാക്രോ സെന്‍സര്‍ എന്നിവ നല്‍കിയിട്ടുണ്ട്. സെല്‍ഫിയ്ക്കായി 8 എംപി ക്യാമറയാണുള്ളത്.സെല്‍ഫി ക്യാമറ സ്ഥാപിക്കുന്നതിനായി ഡിസ്‌പ്ലേയില്‍ V ആകൃതിയിലാണ്.6000 എംഎഎച്ച് ബാറ്ററിയില്‍ 25 വാട്ട് ചാര്‍ജിങ് സൗകര്യമുണ്ട്. ആന്‍ഡ്രോയിഡ്12 അധിഷ്ഠിത വണ്‍ യുഐ 4.1 ആണിതില്‍. സൈഡ് മൗണ്ടഡ് ഫിംഗര്‍പ്രിന്റ്, ഡോള്‍ബി അറ്റ്‌മോസ് ശബ്ദ സംവിധാവം, 3.5 എംഎം ഹെഡ്‌ഫോണ്‍ ജാക്ക് എന്നിവ ഇതില്‍ പെടുന്നു.
