എണ്ണവില കുറക്കുന്നതിനായി കരുതൽ എണ്ണനിക്ഷേപം പുറത്തെടുക്കാനൊരുങ്ങി ഇന്ത്യ. യു.എസിന്റെ പദ്ധതിയനുസരിച്ച് മറ്റു രാജ്യങ്ങളുമായി ചേർന്ന് കരുതൽ എണ്ണനിക്ഷേപം പുറത്തെടുക്കാനാണ് ഇന്ത്യയുടെ നീക്കം.ബൈഡൻ ഭരണകൂടത്തിന്റെ നിർദേശം നടപ്പാക്കാൻ പെട്രോളിയം-വിദേശകാര്യ മന്ത്രാലയങ്ങൾ ഒരുമിച്ച് പ്രവർത്തനം തുടങ്ങിയെന്നാണ് റിപ്പോർട്ട്. വൈകാതെ ഇക്കാര്യത്തിൽ ഔദ്യോഗിക അറിയിപ്പുണ്ടാകുമെന്നാണ് സൂചന.എണ്ണ ഉൽപാദക രാജ്യങ്ങൾക്ക് ശക്തമായ സന്ദേശം നൽകുന്നതിനായാണ് കരുതൽ എണ്ണനിക്ഷേപം പുറത്തെടുക്കാൻ യു.എസ് തീരുമാനിച്ചത്. വിതരത്തിൽ നിയന്ത്രണം ഏർപ്പെടുത്തി എണ്ണ ഉൽപാദക രാജ്യങ്ങൾ വില ഉഉയർത്തുന്നുവെന്നാണ് അമേരിക്കൻ ആരോപണം.യു.എസിന്റെ നിർദേശത്തിന് പിന്നാലെ ചൈന ഇതിനുള്ള നടപടികൾ ആരംഭിച്ചു. ജപ്പാൻ നിർദേശം പരിഗണിക്കുന്നുവെന്നാണ് വിവരം. യു.എസ്, ചൈന, ജപ്പാൻ, ഇന്ത്യ, ദക്ഷിണകൊറിയ രാജ്യങ്ങൾ ഒരുമിച്ച് നീങ്ങിയാൽ അത് എണ്ണ വ്യവസായത്തിൽ പുതിയ ചരിത്രമാവും കുറിക്കുക.
Related Articles
Check Also
Close
-
എച്ച്.ഡി.എഫ്.സി ഇനി എച്ച്.ഡി.എഫ്.സി ബാങ്ക് മാത്രംJune 27, 2023