നിരവധി സവിശേഷതകളുമായി നോക്കിയ ജി പരമ്പരയിലെ ഏറ്റവും പുതിയ ഫോണ്‍ നോക്കിയ ജി11 പ്ലസ് ഇന്ത്യയില്‍ അവതരിപ്പിച്ചു. ലേക്ക് ബ്ലൂ, ചാര്‍കോള്‍ ഗ്രേ നിറങ്ങളിലെത്തുന്ന നോക്കിയ ജി 11 പ്ലസിന്റെ പ്രാരംഭ വില 12,499 രൂപയാണ്. റീട്ടെയില്‍ ഷോപ്പുകള്‍, നോക്കിയ ഡോട്ട് കോം, മുന്‍നിര ഇ കോമേഴ്‌സ് സൈറ്റുകള്‍ തുടങ്ങിയവയില്‍ നിന്നും ഫോണ്‍ വാങ്ങാം. വര്‍ഷങ്ങളുടെ ഉപയോഗത്തിന് ശേഷം റീസൈക്ലിംഗ് സംരംഭം ഉപയോഗിച്ച് സുരക്ഷിതമായി നീക്കം ചെയ്യുവാനുള്ള സൗകര്യവും ഈ ഫോണിനുണ്ട്.മൂന്നു വര്‍ഷത്തേക്കുള്ള പ്രതിമാസ സെക്യൂരിറ്റി അപ്‌ഡേറ്റുകള്‍, ആന്‍ഡ്രോയ്ഡിന്റെ രണ്ടു പതിപ്പുകള്‍ തുടങ്ങിയവ ഇതിന്റെ സവിശേതകളാണ്.ഏറ്റവും ആവശ്യമുള്ളപ്പോള്‍ സൂപ്പര്‍ ബാറ്ററി സേവര്‍ വഴി അധിക മണിക്കൂറുകള്‍ കൂടെ ലഭ്യമാക്കും. പോളികാര്‍ബണേറ്റ് ബോഡിയാണ് ഫോണില്‍ ഉപയോഗിച്ചിരിക്കുന്നത്.എഐ സാങ്കേതികവിദ്യയുടെ പിന്തുണയോടു കൂടിയ 50എംപി ക്യാമറ, 6.5 ഇഞ്ച് എച്ച്ഡി + ഡിസ്പ്ലേ സ്വീറ്റ് സ്പോട്ട് എന്നിവയും മറ്റു പ്രത്യേകതകളിലുള്‍പ്പെടുന്നു.കൂടുതല്‍ സുരക്ഷാ അപ്‌ഡേറ്റുകള്‍ വഴി നോക്കിയ ജി 11 പ്ലസ് നിങ്ങളുടെ വിവരങ്ങളും ഓണ്‍ലൈന്‍ പ്രവര്‍ത്തനങ്ങളും കൂടുതല്‍ സുരക്ഷിതമായിരിക്കാൻ സഹായിക്കുമെന്ന് എച്ച്എംഡി ഗ്ലോബല്‍ ഇന്ത്യ എംഇഎന്‍എ വൈസ് പ്രസിഡന്റ് സാന്മീത് സിങ് കൊച്ചാര്‍ പറഞ്ഞു.
