വീണ്ടും വൻ വിലക്കുറവില് അസംസ്കൃത എണ്ണ നല്കാന് തയ്യാറാണെന്ന് ഇന്ത്യയെ റഷ്യ അറിയിച്ചു. വില പരിധി നിശ്ചയിക്കാനുള്ള ജി7 രാജ്യങ്ങളുടെ നീക്കത്തെ ചെറുക്കാനാണ് പുതിയ നടപടി.വില പരിധി നിശ്ചയിക്കുന്നതിന് പിന്തുണ ആവശ്യപ്പെട്ട് ജി7 രാജ്യങ്ങള് ഇന്ത്യയെ സമീപിച്ചതിന് പിന്നാലെയാണ് റഷ്യയുടെ നീക്കം. ലോകത്തെ മൂന്നാമത്തെ വലിയ എണ്ണ ഇറക്കുമതി രാജ്യമായ ഇന്ത്യയെ ഒപ്പം നിര്ത്തുകയെന്നത് ജി7 രാജ്യങ്ങള്ക്ക് നിര്ണായകമാണ്.വിശദമായ ചര്ച്ചയ്ക്കുശേഷം ഇക്കാര്യത്തില് തീരുമാനമറിയിക്കാമെന്നാണ് ഇന്ത്യ റഷ്യയെ അറിയിച്ചിരിക്കുന്നത്. എന്നാല് രാജ്യത്തേയ്ക്ക് ഏറ്റവും കൂടുതല് എണ്ണ ഇറക്കുമതി ചെയ്യുന്ന ഇറാഖ് റഷ്യയില്നിന്നുള്ളതിനേക്കാള് ഒമ്പത് ഡോളര് കുറവിനാണ് ജൂണില് നല്കിയത്. ഇതേതുടര്ന്ന് ഇറാഖില്നിന്നുള്ള എണ്ണ ഇറക്കുമതിയില് വന്തോതില് വര്ധനവുണ്ടായി. ഇതോടെ ഇന്ത്യയിലേയ്ക്ക് എണ്ണ ഇറക്കുമതി ചെയ്യുന്ന രാജ്യങ്ങളില് റഷ്യയുടെ സ്ഥാനം മൂന്നാമതാകുകയുംചെയ്തു.രാജ്യത്തെ ആവശ്യത്തിനുള്ള അസംസ്കൃത എണ്ണയുടെ 20.6ശതമാനവും ഇറക്കുമതി ഇതോടെ ഇറാഖില്നിന്നായി. സൗദി അറേബ്യയില്നിന്ന് 20.8ശതമാനവും റഷ്യയില്നിന്ന് 18.2ശതമാനവുമാണ് ഇന്ത്യയുടെ ഇറക്കുമതി.
Related Articles
Check Also
Close
-
എച്ച്.ഡി.എഫ്.സി ഇനി എച്ച്.ഡി.എഫ്.സി ബാങ്ക് മാത്രംJune 27, 2023