നിലവാരമില്ലാത്ത സാധനങ്ങളുടെ ഇറക്കുമതി നിയന്ത്രിക്കാനും ആഭ്യന്തര വ്യവസായം വർധിപ്പിക്കാനും ലക്ഷ്യമിട്ട് അടുത്ത ആറുമാസത്തിനുള്ളിൽ അലുമിനിയം, ചെമ്പ്, വീട്ടുപകരണങ്ങൾ തുടങ്ങിയ ഉൽപന്നങ്ങൾക്കായി 58 ഗുണനിലവാര നിയന്ത്രണ ഓർഡറുകൾ (ക്യുസിഒകൾ) സർക്കാർ കൊണ്ടുവരും. 1987 മുതൽ, 34 ക്യുസിഒകൾ മാത്രമേ നൽകിയിട്ടുള്ളൂ. എന്നാൽ ഇപ്പോൾ അടുത്ത ആറ് മാസത്തിനുള്ളിൽ 58 ക്യുസിഒകൾ അവതരിപ്പിക്കുകയാണ്. നിലവാരമില്ലാത്ത സാധനങ്ങളുടെ ഇറക്കുമതി നിർത്തലാക്കുകയാണ് പ്രധാന ലക്ഷ്യം. ഈ നിർബന്ധിത മാനദണ്ഡങ്ങൾ ആഭ്യന്തര, വിദേശ വ്യവസായങ്ങൾക്കുള്ളതായിരിക്കും, ഡിപിഐഐടിയിലെ ജോയിന്റ് സെക്രട്ടറി സഞ്ജീവ് പറഞ്ഞു. ഈ ഓർഡറുകൾക്ക് കീഴിൽ 315 ഉൽപ്പന്ന മാനദണ്ഡങ്ങൾ ഉണ്ടാകും. ഈ ഓർഡറുകൾക്ക് കീഴിലുള്ള ഇനങ്ങൾക്ക് ബി‌ഐ‌എസ് (ബ്യൂറോ ഓഫ് ഇന്ത്യൻ സ്റ്റാൻഡേർഡ്‌സ്) മാർക്ക് ഇല്ലെങ്കിൽ ഉൽ‌പാദിപ്പിക്കാനോ, വിൽക്കാനോ, വ്യാപാരം ചെയ്യാനോ, ഇറക്കുമതി ചെയ്യാനോ, സ്റ്റോക്ക് ചെയ്യാനോ കഴിയില്ല.ഈ ക്യുസിഒകൾ നടപടിക്രമങ്ങൾ പാലിച്ച് ഒരു വർഷത്തിനുള്ളിൽ അറിയിക്കും. ആഭ്യന്തര ഉൽപന്നങ്ങൾക്ക് ആഗോള വിപണി ലഭ്യമാക്കുന്നതിനും ഈ നീക്കം സഹായിക്കും.
