യൂട്യൂബ് വീഡിയോ നിര്‍മാതാക്കൾക്ക് പണം ഉണ്ടാക്കാൻ പുതിയ ഒരു ഫീച്ചര്‍ കൂടെ അവതരിപ്പിച്ചിരിക്കുകയാണ് യൂട്യൂബ് . യൂട്യൂബ് സൂപ്പര്‍ താങ്ക്സിലൂടെയാണ് പണം നേടാൻ അവസരം.യൂട്യബിലെ എക്സ്ക്ലൂസീവ് വീഡിയോകൾ പണം കൊടുത്ത് വാങ്ങാൻ അവസരമൊരുക്കുന്ന ഫീച്ചര്‍ ആണ് സൂപ്പര്‍ താങ്ക്സ്. കൂടുതൽ വീഡിയോ നിർമ്മാതാക്കളെ ആകർഷിക്കാനും ആൽഫബെറ്റ് സ്ട്രീമിങ് സംവിധാനത്തിന് കഴിഞ്ഞേക്കും. ടിക് ടോക്ക്, ഫേസ്ബുക്കിന്റെ ഇൻസ്റ്റാഗ്രാം പേജുകളിൽ നിന്ന് വരുമാനമുണ്ടാക്കുന്നതു പോലെ തന്നെ ഈ ഫീച്ചര്‍ ഉപയോഗിച്ച് വരുമാനമുണ്ടാക്കാനാകും. യൂട്യൂബ് വ്യൂവേഴ്സിന് ഏകദേശം 150 രൂപ മുതൽ മുടക്കി സൂപ്പര്‍ താങ്ക്സ് വാങ്ങാം. പ്രിയപ്പെട്ട യൂട്യൂബ് ചാനലുകൾക്ക് പിന്തുണ നൽകുന്നതിനും വീഡിയോകൾ ഉപയോഗിക്കുന്നതിനുമാണ് പണം.പണം നൽകി വീഡിയോ പേജ് വാങ്ങുന്നവര്‍ക്ക് നന്ദി അറിയിക്കാൻ വീഡിയോ ക്രിയേറ്റര്‍മാര്‍ക്കായി പ്രത്യേക കമൻറ് ബോക്സുമുണ്ട്. 68 രാജ്യങ്ങളിലെ ആയിരക്കണക്കിന് യൂട്യൂബ് വീഡിയോ ക്രിയേറ്റര്‍മാര്‍ക്ക് സംവിധാനം പ്രയോജനകരമാകും. മറ്റൊരു തരത്തിൽ പറഞ്ഞാൽ യൂട്യൂബിലെ എക്സ്ക്ലൂസീവ് കണ്ടൻറുകൾക്ക് കാഴ്ചക്കാര്‍ അല്ലെങ്കിൽ ആരാധകര്‍ പണം നൽകുന്ന രീതിയാണിത്. 150 രൂപ മുതൽ 3730 രൂപ വരെ വരുന്ന നാല് പാക്കേജുകൾ ലഭ്യമാകും എന്നാണ് സൂചന.
