ജിയോയുടെ ഏറ്റവും വിലക്കുറവുള്ള റീചാർജ് പ്ലാനായി അവതരിപ്പിച്ചിരിക്കുന്ന പുത്തൻ പ്ലാനിന്‌ വെറും ഒരു രൂപയാണ് ഈടാക്കുന്നത്.30 ദിവസത്തെ വാലിഡിറ്റി 100MB ഡാറ്റ എന്നിവയാണ് ഒരു രൂപയുടെ റീചാർജ് ചെയ്യുമ്പോൾ ഉപഭോക്താവിന് ലഭിക്കുക. 100MB ഡാറ്റ ഉപയോഗിച്ച് കഴിഞ്ഞാൽ ബ്രൗസിങ് സ്പീഡ് 64Kbps ആയി കുറയും. മൈജിയോ (MyJio) ആപ്പിൽ മാത്രമാണ് പുതിയ റീചാർജ് പ്ലാൻ പ്രദർശിപ്പിക്കുന്നത്. ജിയോ വെബ്‌സൈറ്റിൽ പുതിയ പ്ലാൻ ലിസ്റ്റ് ചെയ്തിട്ടില്ല. മൈജിയോ ആപ്പിൽ വാല്യൂ സെക്ഷന് കീഴിൽ അദർ പ്ലാൻസ് (Other Plans) സെക്ഷന് കീഴിലാണ് 1 രൂപ റീചാർജ് ചെയ്യാനുള്ള ഓപ്ഷൻ. നിലവിൽ ടെലികോം ഓപ്പറേറ്റർമാരിൽ ജിയോ മാത്രമാണ് ഇത്രയും വിലക്കുറവിൽ ഒരു പ്രീപെയ്ഡ് റീചാർജ് പ്ലാൻ ഉപഭോക്താക്കൾക്കായി ഒരുക്കിയിട്ടുള്ളത്.അടുത്തിടെ ജിയോ വിലക്കുറവുള്ള 119 രൂപയുടെ പ്രീപെയ്ഡ് പ്ലാനിൽ എസ്എംഎസ് ആനുകൂല്യവും ചേർത്ത് ജിയോ പരിഷ്കരിച്ചിരുന്നു. 14 ദിവസത്തെ വാലിഡിറ്റി, 1.5 ജിബി പ്രതിദിന ഡാറ്റ, അൺലിമിറ്റഡ് വോയ്‌സ് കോൾ എന്നിവയാണ് 119 രൂപയുടെ റീചാർജിനൊപ്പം ഉപഭോക്താവിന് ലഭ്യമായിരുന്നെങ്കിൽ പുതുതായി 300 എസ്എംഎസ് സന്ദേശങ്ങളും സൗജന്യമായി അയക്കാം. 28 ദിവസത്തേക്ക് മറ്റ് ആനുകൂല്യങ്ങൾക്കൊപ്പം 300 എസ്എംഎസ് സന്ദേശങ്ങളും വാഗ്ദാനം ചെയ്തിരുന്ന 98 പ്ലാനിന്റെ പരിഷ്കരിച്ച പതിപ്പാണ് 119 രൂപയുടെ പ്രീപെയ്ഡ് പ്ലാൻ.ഈ മാസം ഒന്ന് മുതൽ ജിയോ പ്രീപെയ്ഡ് റീചാർജ് നിരക്ക് ഉയർത്തുകയും ചെയ്തിരുന്നു. ജിയോഫോൺ പ്ലാൻ, അൺലിമിറ്റഡ് പ്ലാനുകൾ, ഡാറ്റ ആഡ് ഓൺ എന്നിങ്ങനെ ജിയോയുടെ എല്ലാ പ്ലാനുകൾക്കും വില വർധിപ്പിച്ചിട്ടുണ്ട്.
