റഷ്യ-യുക്രൈന് സംഘര്ഷത്തെതുടര്ന്നുള്ള അനിശ്ചിതത്വത്തില് തകര്ന്ന് രൂപ.അന്താരാഷ്ട്ര വിപണിയില് അസംസ്കൃത എണ്ണവിലയിലെ കുതിപ്പാണ് രൂപയുടെ തകര്ച്ചയ്ക്ക് കാരണമായത്.ഡോളറിനെതിരെ രൂപയുടെ മൂല്യം എക്കാലത്തെയും താഴ്ന്ന നിലവാരമായ 76.96 നിലവാരത്തിലെത്തി. എണ്ണവില വര്ധന രാജ്യത്തെ വ്യാപാര കമ്മിയും കറന്റ് അക്കൗണ്ട് കമ്മിയും വര്ധിപ്പിക്കുമെന്നതിനാലാണ് രൂപയെ ബാധിച്ചത്.ഓഹരി വിപണിയിലെ തകര്ച്ചയും വിദേശ നിക്ഷേപകര് കൂട്ടത്തോടെ രാജ്യംവിടുന്നതും രൂപയുടെ മൂല്യമിടിവിന് ആക്കംകൂട്ടി. മാര്ച്ചില് ഇതുവരെ 16,800 കോടി രൂപയുടെ ഓഹരികളാണ് ഇവര് വിറ്റൊഴിഞ്ഞത്.എന്നാൽ ആഗോളതലത്തിലെ രാഷ്ട്രീയ അനിശ്ചിതത്വം നേട്ടമാക്കി സ്വർണം. തിങ്കളാഴ്ച പവന്റെ വില 800 രൂപ കൂടി 39,520 രൂപയിലെത്തി.ഗ്രാമിന് 100 രൂപ കൂടി 4940 രൂപയുമായി.ആഗോള വിപണിയിലെ വിലവര്ധനവും രൂപയുടെ മൂല്യമിടിവുമാണ് സ്വര്ണ വിലയിലെ കുതിപ്പിന് കാരണം.പത്തുവര്ഷക്കാലയളവിലെ സര്ക്കാര് കടപ്പത്രങ്ങളില്നിന്നുള്ള ആദായത്തിലും വര്ധനവുണ്ടായി. അഞ്ച് ബേസിസ് പോയന്റ് വര്ധിച്ച് 6.86ശതമാനത്തിലേയ്ക്കാണ് ആദായം ഉയര്ന്നത്.
Related Articles
Check Also
Close
-
എച്ച്.ഡി.എഫ്.സി ഇനി എച്ച്.ഡി.എഫ്.സി ബാങ്ക് മാത്രംJune 27, 2023