ഗൂഗിൾ ഓപ്പറേറ്റിങ് സിസ്റ്റമായ ആന്‍ഡ്രോയിഡിനും ആപ്പിളിെൻറ ഐ.ഒ.എസിനും ബദലായി ഒരു തദ്ദേശീയ ഓപ്പറേറ്റിങ് സിസ്റ്റം സൃഷ്ടിക്കാൻ ഇന്ത്യ. ഇത് സുഗമമാക്കുന്ന നയം കൊണ്ടുവരാന്‍ സര്‍ക്കാര്‍ പദ്ധതിയിടുന്നതായി കേന്ദ്ര ഇലക്ട്രോണിക്സ്, ഐടി സഹമന്ത്രി രാജീവ് ചന്ദ്രശേഖര്‍ പറഞ്ഞു.തദ്ദേശീയ ഓപ്പറേറ്റിങ് സിസ്റ്റം (ഒ.എസ്) വികസിപ്പിക്കുന്നതിന് സ്റ്റാര്‍ട്ട്അപ്പ്, അക്കാദമിക് ഇക്കോസിസ്റ്റം എന്നിവയ്ക്കുള്ളിലെ കഴിവുകള്‍ സര്‍ക്കാര്‍ തേടുകയാണെന്നും അദ്ദേഹം പറഞ്ഞു.യഥാർത്ഥ പ്രതിഭകളെ ലഭിക്കുകയാണെങ്കിൽ ആ മേഖല വികസിപ്പിക്കാൻ സർക്കാരിന് ഏറെ തതാൽപര്യമുണ്ടെന്നും അതിലൂടെ iOS, Android എന്നിവയ്‌ക്ക് ഒരു ബദൽ സൃഷ്ടിക്കാനും ഒരു ഇന്ത്യൻ ബ്രാൻഡിന് വളരാനും സാധിക്കുമെന്നും മന്ത്രി കൂട്ടിച്ചേർത്തു.
