ഐസിഐസിഐ ബാങ്കിന്റെ പങ്കാളിത്തത്തോടെ സ്വന്തമായി യുപിഐ സേവനം ആരംഭിച്ചിരിക്കുകയാണ് സോമാറ്റോ. ഓൺലൈൻ പേയ്‌മെന്റുകൾ കൂടുതൽ തടസ്സമില്ലാത്തതാക്കുക എന്ന ആശയത്തോടെ ആരംഭിച്ച സോമറ്റോ യുപിഐ ഇപ്പോൾ ഉപയോക്താക്കൾക്ക് കെവൈസി ചെയ്യാതെ തന്നെ ഈ സൗകര്യം ഉപയോഗിക്കാനുള്ള ഒരു ഓപ്ഷനും നൽകിയിട്ടുണ്ട്.ഗൂഗിൾ പേയും ഫോൺ പേയും അവരുടെ യുപിഐ ഇന്റർഫേസുകൾ വഴി പണമടയ്ക്കാൻ ഉപയോക്താക്കളെ അനുവദിക്കുന്നതുപോലെ, സോമാറ്റോയും ഇപ്പോൾ ഒരു ഉപയോക്താവിന് അതിനുള്ള ഓപ്ഷൻ നൽകും.സൊമാറ്റോ യുപിഐ ലോഞ്ച് ചെയ്യുന്നതോടെ, സൊമാറ്റോ ആപ്പിൽ തന്നെ തുടർന്ന് ഉപഭോക്താക്കൾക്ക് സ്വന്തമായി, മറ്റൊരു യുപിഐ ഐഡി സൃഷ്ടിക്കാനാകും. സാധാരണ രീതിയിൽ, യുപിഐ ഇടപാടുകൾ നടത്താൻ ഉപയോക്താക്കൾ സാധാരണയായി ഗൂഗിൾ പേ , ഫോൺപേ അല്ലെങ്കിൽ പേടിഎം എന്നിവയിലേക്ക് റീഡയറക്‌ട് ചെയ്യുമ്പോൾ, സോമറ്റോയുടെ യുപിഐ ഈ സേവനം നേരിട്ട് നൽകുമെന്നതിനാൽ ഇനി എളുപ്പത്തിൽ പെയ്മെന്റ് നടത്താം.സേവനം പുതിയതും ഇപ്പോൾ സമാരംഭിച്ചതുമായതിനാൽ, തിരഞ്ഞെടുത്ത ഉപയോക്താക്കൾക്ക് മാത്രമേ ഇത് ലഭ്യമാകൂ.നിലവിൽ എത്ര ഉപയോക്താക്കൾക്ക് സോമറ്റോ യുപിഐയിലേക്ക് ആക്‌സസ് ഉണ്ടെന്ന് കൃത്യമായി അറിയാൻ കഴിയില്ല.
