Tech
Trending

ഷാഓമിയുടെ പ്രീമിയം സ്മാർട്ട്ഫോൺ എംഐ 11Xന്റെ വില്പന ഇന്ന് ആരംഭിക്കും

ചൈനീസ് ടെക്നോളജി ഭീമന്മാരായ ഷഓമി കഴിഞ്ഞ ആഴ്ച അവതരിപ്പിച്ച പുത്തൻ എംഐ 11 സ്മാർട്ട്ഫോൺ ശ്രേണിയിലെ അടിസ്ഥാന മോഡൽ ആയ എംഐ 11Xന്റെ വില്പന ഇന്നാരംഭിക്കും.എംഐ.കോം വെബ്‌സൈറ്റ് വഴി ഉച്ചയ്ക്ക് 12 മുതലാണ് വില്പന ആരംഭിക്കുക. എംഐ 11X-ന്റെ 6 ജിബി റാം + 128 ജിബി സ്റ്റോറേജുള്ള പതിപ്പിന് 29,999 രൂപയും, 8 ജിബി റാം + 128 ജിബി സ്റ്റോറേജുള്ള പതിപ്പിന് 31,999 രൂപയുമാണ് വില.സെലെസ്റ്റിയൽ സിൽവർ, കോസ്മിക് ബ്ലാക്ക്, ഫ്രോസ്റ്റി വൈറ്റ് എന്നീ മൂന്ന് നിറങ്ങളിലാണ് എംഐ 11X വിൽപ്പനയ്ക്കെത്തുന്നത്.


ആൻഡ്രോയിഡ് 11 അടിസ്ഥാനമായ MIUI 12 ആണ് ഓപ്പറേറ്റിംഗ് സിസ്റ്റത്തിലാണ് എംഐ 11X പ്രവർത്തിക്കുന്നത്. 6.67 ഇഞ്ച് ഫുൾ എച്ച്ഡി+ (1,080×2,400 പിക്‌സൽ) E4 അമോലെഡ് ഡിസ്‌പ്ലേയ്ക്ക് 1,300 നിറ്റ് പീക്ക് ബ്രൈറ്റ്നസ്, 120 ഹെർട്സ് റിഫ്രഷ് റേറ്റ്, 360 ഹെർട്സ് ടച്ച് സാമ്പിൾ റേറ്റ് എന്നിങ്ങനെയാണ് സ്പെസിഫിക്കേഷൻ.മാത്രമല്ല 20:9 ആസ്പെക്ട് റേഷ്യോയും 2.76 എംഎം ഹോൾ-പഞ്ച് ഡിസ്പ്ലേ ആണ് ഹാൻഡ്‌സെറ്റിന്, ഇത് ലോകത്തിലെ ഏറ്റവും ചെറിയ ഹോൾ-പഞ്ച് ഡിസ്പ്ലേ ആണെന്നാണ് ഷഓമിയുടെ അവകാശവാദം.ഒക്ടാകോർ ക്വാൽകോം സ്‌നാപ്ഡ്രാഗൺ 870 SoC പ്രോസസ്സർ ആണ് ഫോണിന്റെ കരുത്ത്.48 മെഗാപിക്സൽ സോണി ഐഎംഎക്സ് 582 പ്രൈമറി സെൻസറും, 8 മെഗാപിക്സൽ സെക്കൻഡറി സെൻസറും (അൾട്രാ വൈഡ് ആംഗിൾ ലെൻസ്), മാക്രോ ലെൻസുള്ള 5 മെഗാപിക്സൽ ടെർഷ്യറി സെൻസറും ചേർന്നതാണ് ട്രിപ്പിൾ കാമറ. സെൽഫികൾക്കും വീഡിയോ ചാറ്റുകൾക്കുമായി മുൻവശത്ത് 20 മെഗാപിക്സൽ ക്യാമറ സെൻസറും ക്രമീകരിച്ചിട്ടുണ്ട്.33W ഫാസ്റ്റ് ചാർജിംഗിനെ പിന്തുണയ്ക്കുന്നഎംഐ 11X-ൽ 4,520 എംഎഎച്ച് ബാറ്ററിയാണ്.

Related Articles

Back to top button