Big B
Trending

മൊത്തവില സൂചികയും റെക്കോഡ് ഉയരത്തില്‍

രാജ്യത്തെ മൊത്തവില സൂചിക അടിസ്ഥാനമാക്കിയുള്ള പണപ്പെരുപ്പം റെക്കോഡ് നിലവാരമായ 15.1ശതമാനത്തിലെത്തി. പച്ചക്കറി, പഴം, പാല്‍, ഇന്ധനം എന്നിവയുടെ വിലക്കയറ്റമാണ് സൂചികയുടെ കുതിപ്പിന് പിന്നില്‍. മാര്‍ച്ചില്‍ 14.55ശതമാനമായിരുന്നു സൂചിക.കഴിഞ്ഞയാഴ്ച പുറത്തുവിട്ട ഉപഭോക്തൃ വില സൂചിക അടിസ്ഥാനമാക്കിയുള്ള ഏപ്രിലിലെ പണപ്പെരുപ്പം 7.79 ശതമാനത്തിലെത്തിയിരുന്നു.13-ാമത്തെ മാസമാണ് മൊത്തവില സൂചിക പണപ്പെരുപ്പം ഇരട്ടയക്കത്തില്‍ തുടരുന്നത്.ഇതോടെ ജൂണിലും നിരക്കുവര്‍ധനയ്ക്ക് സാധ്യതയേറി. 40 ബേസിസ് പോയന്റുവരെ വര്‍ധിപ്പിച്ചേക്കാമെന്നാണ് വിലയിരുത്തല്‍. മെയ് നാലിന് ചേര്‍ന്ന ആര്‍ബിഐയുടെ അസാധാരണ യോഗത്തില്‍ റിപ്പോ നിരക്ക് 40 ബേസിസ് പോയന്റ് ഉയര്‍ത്തിയിരുന്നു.റഷ്യ-യുക്രൈന്‍ സംഘര്‍ഷമാണ് പണപ്പെരുപ്പ നിരക്കിലെ കുതിപ്പിന്റെ പ്രധാനകാരണം.

Related Articles

Back to top button