ബോളിവുഡ് ഇതിഹാസ താരം അമിതാഭ് ബച്ചൻ വികെസിയുടെ ബ്രാൻഡ് അംബാസഡറായി നിയമിതനായി. അരനൂറ്റാണ്ടിലേറെ നീണ്ടു നിൽക്കുന്ന കരിയറിൽ വിവിധ ബ്രാൻഡുകളുടെ അംബാസഡറായി അമിതാഭ് ബച്ചൻ പ്രവര്ത്തിച്ചിട്ടുണ്ടെങ്കിലും ഫൂട്വെയര് രംഗത്ത് ഇതാദ്യം. ഈ രംഗത്തെ പ്രശസ്ത ബ്രാൻഡാണ് വികെസി. എല്ലാ ഇന്ത്യക്കാർക്കും താങ്ങാനാവുന്ന വിലയ്ക്ക് വികെസി വിവിധ തരം പാദരക്ഷകൾ അവതരിപ്പിക്കുന്നുണ്ട്.കുറഞ്ഞ വിലക്ക് കൂടുതൽ ഗുണമേൻമയുള്ള ഉത്പന്നങ്ങളുമായി പാദരക്ഷാ വ്യവസായത്തിൽ വിപ്ലവം സൃഷ്ടിക്കാൻ ബ്രാൻഡിനായി. അതോടൊപ്പം തന്നെ രാജ്യത്ത് ഏറ്റവും കൂടുതൽ വിൽക്കപ്പെടുന്ന പാദരക്ഷാ ബ്രാൻഡുകളിൽ ഒന്നു കൂടെയാണ് കമ്പനി. വികെസിയുടെ ലീഡ് ബ്രാൻഡാണ് വികെസി പ്രൈഡ്. കഠിനാധ്വാനത്തിലൂടെയാണ് പാദരക്ഷാ വ്യവസായരംഗത്ത് ഏറ്റവും മൂല്യമേറിയ ബ്രാൻഡുകളിൽ ഒന്നായി കമ്പനി വളര്ന്നത്. ഈ രംഗത്ത് 37 വര്ഷത്തെ പ്രവര്ത്തന പാരമ്പര്യമുണ്ട്.വികെസി യുമായി ചേർന്ന് പ്രവർത്തിക്കുവാനും ‘കഠിനാധ്വാനം ആഘോഷമാക്കൂ’ എന്ന സന്ദേശത്തിലൂടെ ജനങ്ങളെ പ്രചോദിപ്പിക്കുന്നതിലും അഭിമാനിക്കുന്നതായി അമിതാഭ് ബച്ചൻ പറഞ്ഞു. എൻെറ കരിയറിൽ ആദ്യമായി ആണ് ഒരു പാദരക്ഷ ബ്രാൻഡിനെ പ്രതിനിധീകരിക്കുന്നത് എന്നും വികെസിയുടെ ഒപ്പമായതിൽ അതിയായ സന്തോഷമുണ്ടെന്നും അമിതാഭ് ബച്ചൻ വ്യക്തമാക്കി.
കഠിനാധ്വാനം ആഘോഷമാക്കൂ എന്ന സന്ദേശവുമായി വികെസിയുടെ ക്യാംപെയ്ൻ രാജ്യമെമ്പാടും ഉടൻ ആരംഭിക്കും.2021 ആഗസ്റ്റിൽ, വികെസി പ്രൈഡ് പാദരക്ഷാ നിർമ്മാണ രംഗത്ത് പുതിയ ഒരു സാങ്കേതികവിദ്യ തന്നെ അവതരിപ്പിച്ചിരുന്നു. ഇന്ത്യയിൽ EEZY എന്ന ബ്രാൻഡിൽ പുതിയ ചെരുപ്പുകളുടെ ഒരു ശേഖരം ആണ് കമ്പനി ആരംഭിച്ചത്.. വികെസി പ്രൈഡ് EEZY ശേഖരത്തിന് ഇന്ത്യയിലെ ആദ്യത്തെ സൂപ്പർ സോഫ്റ്റ് പാദരക്ഷ എന്ന പ്രത്യേകതയുണ്ട്.ഇന്ത്യൻ സിനിമയിലെ ഇതിഹാസമായ അമിതാഭ് ബച്ചനോടൊപ്പം ചേർന്ന് പ്രവർത്തിക്കുന്നതിൽ വികെസി ഗ്രൂപ്പിനു അഭിമാനമുണ്ടെന്നും. കമ്പനിയെ സംബന്ധിച്ചിടത്തോളം അമിതാഭ് ബച്ചൻ ഒരു ബ്രാൻഡ് അംബാസഡർ മാത്രമല്ല ഇന്ത്യയിലെ പാദരക്ഷ വ്യവസായത്തിനു മുഴുവൻ പ്രചോദനമാകുനുള്ള കരുത്തുകൂടിയാണെന്നും വികെസി ഗ്രൂപ്പ് മാനേജിങ് ഡയറക്ടർ വികെസി റസാഖ് പറഞ്ഞു. അമിതാഭ് ബച്ചൻെറ 50 വർഷത്തെ കഠിനാധ്വാനം നിറഞ്ഞ ജീവിതം തന്നെ ഉദാഹരണമാക്കിയാണ് ‘കഠിനാധ്വാനം ആഘോഷമാക്കൂ ‘ എന്ന ക്യാമ്പെയ്ൻ.