വിവോ വൈ75എസ് 5ജി (Vivo Y75s 5G) ചൈനയിൽ അവതരിപ്പിച്ചു.വിവോ വൈ75എസ് 5ജിയുടെ 8 ജിബി റാം + 256 ജിബി സ്റ്റോറേജ് വേരിയന്റിന് 1,899 യുവാൻ (ഏകദേശം 22,000 രൂപ) ആണ് വില. അതേസമയം, 12ജിബി റാം + 256 ജിബി മോഡലിന് 2,199 യുവാനും (ഏകദേശം 25,000 രൂപ) വില നൽകണം.കറുപ്പ്, ഗ്രേഡിയന്റ് കളർ ഓപ്ഷനുകളിലാണ് ഫോൺ വരുന്നത്.മാലി-ജി57 ജിപിയുമായി ജോടിയാക്കിയ ഒക്ടാ-കോർ മീഡിയടെക് ഡൈമെൻസിറ്റി 700 ആണ് പ്രോസസർ. ഇത് 12 ജിബി വരെ LPPDR4x റാമും 256 ജിബി UFS 2.2 സ്റ്റോറേജുമായാണ് വരുന്നത്.
വിവോ വൈ75എസ് 5ജിയ്ക്ക് 60Hz റിഫ്രഷ് റേറ്റുള്ള 6.58 ഇഞ്ച് ഫുൾ എച്ച്ഡി+ (1,080×2,408 പിക്‌സൽ) എൽസിഡി സ്‌ക്രീനുണ്ട്.വിവോ വൈ75എസ് 5ജിയില്‍ ട്രിപ്പിൾ റിയർ ക്യാമറ സജ്ജീകരണമാണ്. 64 മെഗാപിക്സൽ ആണ് പ്രൈമറി ക്യാമറ. 8 മെഗാപിക്സൽ അൾട്രാ വൈഡ് ആംഗിൾ ലെൻസും 2 മെഗാപിക്സൽ മാക്രോ ഷൂട്ടറുമാണ് മറ്റ് രണ്ട് ക്യാമറകൾ.മുൻവശത്ത് 8 മെഗാപിക്സൽ സെൽഫി ക്യാമറയും ഉൾപ്പെടുത്തിയിരിക്കുന്നു.ആൻഡ്രോയിഡ് 11 അടിസ്ഥാനമാക്കിയുള്ള ഒറിജിൻ ഒഎസ് ഓഷ്യനിലാണ് സ്മാർട് ഫോൺ പ്രവർത്തിക്കുന്നത്. ഇത് ഫേസ്‌വേക്ക് ഫേഷ്യൽ റെക്കഗ്നിഷനോട് കൂടിയാണ് വരുന്നത്. കൂടാതെ സൈഡ് മൗണ്ടഡ് ഫിംഗർപ്രിന്റ് സെൻസറുമുണ്ട്.18W ഫ്ലാഷ് ചാർജ് പിന്തുണയുള്ള 5,000 എംഎഎച്ചാണ് ബാറ്ററി.
