ലോകമെമ്പാടും നിരവധി ജനങ്ങൾ ഉപയോഗിക്കുന്ന മൈക്രോ-ബ്ലോഗിങ്ങ് സൈറ്റാണ് ട്വിറ്റർ. മറ്റുള്ള സമൂഹ മാധ്യമങ്ങളെ പോലെത്തന്നെ പണം നൽകാതെ ഉപയോഗിക്കാം എന്നതാണ് ട്വിറ്ററിനും ജനപ്രീതി നേടി കൊടുത്തത്. അതെ സമയം പണം കൊടുത്ത് നേടേണ്ട സബ്സ്ക്രിപ്ഷൻ പാക്ക് ഉടൻ അവതരിപ്പിക്കാൻ ഒരുകുകയാണ് ട്വിറ്റർ എന്നാണ് റിപ്പോർട്ടുകൾ.ട്വിറ്റർ ബ്ലൂ എന്ന് പേര് നൽകിയിരിക്കുന്ന പുത്തൻ സബ്സ്ക്രിപ്ഷൻ പായ്ക്കിൽ സാധാരണ ട്വിറ്റർ ഉപഭോക്താക്കൾക്ക് ലഭ്യമല്ലാത്ത പല ഫീച്ചറുകളും ലഭ്യമാണ്.
പ്രതിമാസം ഏകദേശം 2.99 ഡോളർ (219 രൂപ) ആണ് സബ്സ്ക്രിപ്ഷൻ ഫീസ്. ഇന്ത്യയിലും ട്വിറ്റർ ബ്ലൂ അവതരിപ്പിക്കുമ്പോൾ ഇതേ തുകയാകുമോ എന്ന് വ്യക്തമല്ല.പോസ്റ്റ് ചെയ്ത ശേഷം എഡിറ്റ് ചെയ്യാനുള്ള സംവിധാനം നിലവിൽ ട്വിറ്ററിലില്ല. ട്വിറ്ററിൽ പോസ്റ്റ് ചെയ്ത ട്വീറ്റ് ഡിലീറ്റ് ചെയ്തു കളഞ്ഞ ശേഷം എഡിറ്റ് ചെയ്തു ശരിയാക്കിയ കാര്യം പുത്തൻ ട്വീറ്റ് ആയി പോസ്റ്റ് ചെയ്യാനേ സാധിക്കൂ.ട്വിറ്റർ ഉപഭോക്താക്കൾ പലകുറി ഈ രീതി മാറ്റണമെന്ന് ആവശ്യപ്പെട്ടിട്ടുണ്ടെങ്കിലും ട്വിറ്റർ ഇതുവരെ എഡിറ്റ് ബട്ടൺ അവതരിപ്പിക്കാൻ തയ്യാറായിട്ടില്ല. ട്വിറ്റർ ബ്ലൂ സബ്സ്ക്രിപ്ഷൻ പായ്ക്കിൽ ഈ സംവിധാനം ഏർപ്പെടുത്തും എന്നാണ് പ്രശസ്ത ടിപ്പ്സ്റ്റർ ആയ ജെനി മഞ്ചുൺ വോങ് ട്വീറ്റ് ചെയ്യുന്നത്. എങ്കിലും എഡിറ്റ് ചെയ്യാൻ കുറച്ച് സമയം മാത്രേ ട്വിറ്റർ അനുവദിക്കൂ എന്നാണ് വിവരം. സമയത്തിനുള്ളിൽ എഡിറ്റ് ചെയ്യണം.കളക്ഷൻസ് ആണ് മറ്റൊരു ശ്രദ്ധേയമായ ഫീച്ചർ. ഇഷ്ടപെട്ട ഫീച്ചറുകൾ സേവ് ചെയ്യാനും പിന്നീട് ആവശ്യമുള്ളപ്പോൾ കാണാനുമുള്ള സംവിധാനമാണ് കളക്ഷൻസ് ഒരുക്കുന്നത്. ഇൻസ്റ്റാഗ്രാമിൽ സേവ് ഓപ്ഷന് സമാനമായാണ് ഈ ഫീച്ചർ പ്രവർത്തിക്കുക.ഇത് കൂടാതെ സ്ക്രോൾ ആൻഡ് റീവ്യുയി ഫീച്ചറും ട്വിറ്റർ ബ്ലൂ ഉപഭോക്താക്കൾക്ക് ലഭിക്കും. പരസ്യം, പ്രൊമോഷൻ ഇല്ലാത്ത ഫീഡ് സ്ക്രോൾ ഫീച്ചർ ഉറപ്പിക്കുമ്പോൾ, റീവ്യുയി ന്യൂസ് ലെറ്ററുകളും പബ്ലിഷ് ചെയ്യാനുള്ള അവസരം ഒരുക്കുന്നു.
