Tech
Trending

സോപ്പുപയോഗിച്ച് കഴുകാം! മോട്ടോറോള ഡിഫൈ സ്മാർട്ട്ഫോൺ എത്തി

IP68 മിലിറ്ററി സ്റ്റാൻഡേർഡ് സർട്ടിഫിക്കറ്റുള്ള ഏതൊരു പ്രതികൂല സാഹചര്യത്തിലും ഒരു പരിധിവരെ സുഗമമായി പ്രവർത്തിക്കുന്ന സ്മാർട്ട്ഫോൺ ആണ് മോട്ടോറോള ഡിഫൈ. മികച്ച സീലിങ്ങുള്ള ബോഡി പാനലുകളുമായി അവതരിപ്പിച്ചിരിക്കുന്ന ഡിഫൈയ്ക്ക് അഞ്ച് അടി താഴ്ചയുള്ള വെള്ളത്തിൽ വരെ 35 മിനിറ്റ് വരെ പ്രവർത്തിക്കും. മണൽ, പൊടി, ചെളി, ഉപ്പിന്റെ അംശം എന്നിവ വലിയൊരളവ് പ്രതിരോധിക്കും വിധമാണ് ഡിഫൈ ഒരുക്കിയിരിക്കുന്നത് എന്നാണ് മോട്ടോറോളയുടെ അവകാശവാദം. മാത്രമല്ല 6 അടി ഉയരത്തിൽ നിന്നുള്ള വീഴ്ചവരെ ചെറുക്കുന്ന ഡിഫൈ ഫോൺ സോപ്പുപയോഗിച്ച് കഴുകാനും സാധിക്കും.329 യൂറോ (ഏകദേശം 29,000 രൂപ) ആണ് യൂറോപ്യൻ വിപണിയിൽ അവതരിപ്പിച്ചിരിക്കുന്ന മോട്ടോറോള ഡിഫൈ സ്മാർട്ട്ഫോണിന്റെ വില. 4 ജിബി റാമും 64 ജിബി സ്റ്റോറേജുമുള്ള മോട്ടോറോള ഡിഫൈ സ്മാർട്ട്ഫോൺ കറുപ്പ്, ഫോർജ്ഡ് ഗ്രീൻ എന്നീ നിറങ്ങളിലാണ് വില്പനക്കെത്തിയിരിക്കുന്നത്. രണ്ട് വർഷമാണ് മോട്ടോറോള ഡിഫൈയ്ക്ക് ഗ്യാരണ്ടി.


ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിലാണ് ഫോൺ അവതരിപ്പിച്ചത് എങ്കിലും ആൻഡ്രോയിഡ് 11 അപ്‍ഡേയ്റ്റ് ഉടൻ ലഭിക്കും എന്ന് മോട്ടോറോള അവകാശപ്പെടുന്നു. ഡ്യുവൽ സിം ഫോണായ ഡിഫൈയ്ക്ക് കോർണിംഗ് ഗോറില്ല ഗ്ലാസ് വിക്ടസ് സംരക്ഷണമുള്ള 6.5 ഇഞ്ച് എച്ച്ഡി + ഡിസ്പ്ലേയാണ്. ക്വാൽകോം സ്‌നാപ്ഡ്രാഗൺ 662 SoC ആണ് ഫോണിന്റെ കരുത്ത്.48 മെഗാപിക്സൽ പ്രധാന സെൻസർ, 2 മെഗാപിക്സൽ ഡെപ്ത് സെൻസർ, 2 മെഗാപിക്സൽ മാക്രോ ക്യാമറ എന്നിവയുള്ള ട്രിപ്പിൾ റിയർ ക്യാമറ സജ്ജീകരണമാണ് മോട്ടോറോള ഡിഫൈയിൽ. 8 മെഗാപിക്സൽ സെൽഫി ക്യാമറയുമുണ്ട്.20W ടർബോപവർ ചാർജുള്ള 5,000 എംഎഎച്ച് ബാറ്ററിയാണ്. രണ്ട് ദിവസം ഫോൺ പ്രവർത്തിക്കാനാവശ്യമായ ചാർജ് ബാറ്ററി നൽകും എന്നാണ് മോട്ടോറോളയുടെ അവകാശവാദം. യുഎസ്ബി ടൈപ്പ്-സി പോർട്ട്, ബ്ലൂടൂത്ത് വി 5, എൻ‌എഫ്‌സി, വോൾ‌ടിഇ, 3.5 എംഎം ഓഡിയോ ജാക്ക് എന്നിവയാണ് കണക്ടിവിറ്റി ഓപ്ഷനുകൾ.

Related Articles

Back to top button