Tech
Trending

ബജറ്റ് സ്മാർട്ട്ഫോൺ ടെക്‌നോ പോപ്പ് 5 പ്രോ വിപണിയിൽ

ബജറ്റ്, മിഡ്റേഞ്ച് സ്മാർട്ട്ഫോൺ സെഗ്മെന്റിലെ പ്രമുഖരായ ടെക്‌നോ തങ്ങളുടെ പോപ്പ് ശ്രേണിയിലേക്ക് പോപ്പ് 5 പ്രോ അവതരിപ്പിച്ചു. ദിവസങ്ങൾക്ക് മുൻപ് വിപണിയിലെത്തിയ ടെക്‌നോ പോപ്പ് 5 LTEയുടെ (6,299 രൂപ) പ്രീമിയം പതിപ്പാണ് ടെക്‌നോ പോപ്പ് 5 പ്രോ.3 ജിബി റാമും 32 ജിബി ഇൻബിൽറ്റ് സ്റ്റോറേജുമുള്ള ഒരൊറ്റ പതിപ്പിൽ വില്പനക്കെത്തിയിരിക്കുന്ന ടെക്‌നോ പോപ്പ് 5 പ്രോയ്ക്ക് 8,499 രൂപയാണ് വില. ഡീപ്‌സീ ലസ്റ്റർ, ഐസ് ബ്ലൂ, സ്കൈ സിയാൻ എന്നീ നിറങ്ങളിൽ ലഭ്യമായ ടെക്‌നോ പോപ്പ് 5 പ്രോയുടെ ഓഫ്‌ലൈൻ വില്പന തുടങ്ങി. ആൻഡ്രോയിഡ് 11 ഗോ എഡിഷൻ അടിസ്ഥാനമാക്കിയുള്ള HiOS 7.6-ലാണ് ഡ്യുവൽ സിം സ്മാർട്ട്ഫോണായ ടെക്‌നോ പോപ്പ് 5 പ്രോ പ്രവർത്തിക്കുന്നത്. 269ppi പിക്‌സൽ ഡെന്സിറ്റിയും 480 നിറ്റ്‌സ് പീക്ക് ബ്രൈറ്റ്നെസ്സുമുള്ള 6.52 ഇഞ്ച് എച്ച്ഡി+ എൽസിഡി ഡിസ്‌പ്ലേയാണ് ഹാൻഡ്സെറ്റിന്. 120 ഹെർട്‌സിന്റെ ടച്ച് സാമ്പിൾ നിരക്ക് ഡിസ്‌പ്ലേയ്ക്കുണ്ട് എന്ന് ടെക്‌നോ അവ്സകാശപ്പെടുന്നു. 90 ശതമാനം സ്‌ക്രീൻ-ടു-ബോഡി റേഷ്യോയും ഡിസ്‌പ്ലേയ്ക്കുണ്ട്.8-മെഗാപിക്സൽ പിൻ ക്യാമറയും സെക്കൻഡറി AI ലെൻസും ചേർന്നതാണ് ടെക്‌നോ പോപ്പ് 5 പ്രോയുടെ പിൻ കാമറ. AI പോർട്രെയിറ്റ് മോഡ്, എച്ച്ഡിആർ മോഡ്, ഫിൽട്ടറുകൾ എന്നിവ ഈ കാമറ പിന്തുണയ്ക്കുന്നു. മുൻവശത്ത് f/2.0 അപ്പേർച്ചർ ലെൻസും ഫ്രണ്ട് ഫേസിംഗ് ഫ്ലാഷും ഉള്ള 5 മെഗാപിക്സൽ സെൽഫി ക്യാമറയാണ്.6,000mAh ബാറ്ററിയിലാണ് സ്മാർട്ട്‌ഫോൺ പ്രവർത്തിക്കുന്നത്, ഇത് 54 മണിക്കൂർ വരെ ടോക്ക്‌ടൈം അല്ലെങ്കിൽ 120 മണിക്കൂർ മ്യൂസിക് പ്ലേബാക്ക് സമയം നൽകും എന്നാണ് ടെക്‌നോ അവകാശപ്പെടുന്നത്. വോൾട്ട് 2.0, സ്‌മാർട്ട് പാനൽ 2.0, കിഡ്‌സ് മോഡ്, സോഷ്യൽ ടർബോ, ഡാർക്ക് തീമുകൾ, പീക്ക് പ്രൂഫ്, വോയ്‌സ് ചാർജർ, ആന്റി-തെഫ്റ്റ് അലാറം എന്നിവ സഹിതമാണ് ടെക്‌നോ പോപ്പ് 5 പ്രോ വിപണിയിലെത്തിയിരിക്കുന്നത്.

Related Articles

Back to top button