പോകോ എക്സ്4 ഹാൻഡ്സെറ്റിന്റെ പരിഷ്കരിച്ച പതിപ്പ് പോകോ എക്സ് 5 പ്രോ ( Poco X5 Pro ) ഇന്ത്യയിലെത്തി.6 ജിബി റാം + 128 ജിബി സ്റ്റോറേജ് മോഡലിന് 22,999 രൂപയാണ് തുടക്ക വില . 8 ജിബി റാം + 256 ജിബി സ്റ്റോറേജ് മോഡലിന് 24,999 രൂപയുമാണ് വില. ഫെബ്രുവരി 13 ന് ഫ്ലിപ്കാർട്ട് വഴി വിൽപന തുടങ്ങും.പോകോ എക്സ്5 പ്രോ ഹാൻഡ്സെറ്റിന് പഞ്ച്-ഹോൾ ഡിസ്‌പ്ലേ ഡിസൈൻ ഉണ്ട്. അഡാപ്റ്റീവ് 120Hz റിഫ്രഷ് റേറ്റ് ഉള്ള 6.67 ഇഞ്ച് അമോലെഡ് ഡിസ്‌പ്ലേയാണ് ഇതിലുള്ളത്. 10 ബിറ്റ് പാനലിന് ഡോൾബി വിഷൻ, എച്ച്ഡിആർ 10+, 900നിറ്റ് പീക്ക് ബ്രൈറ്റ്നസ് എന്നിവയ്ക്കുള്ള പിന്തുണയുണ്ട്. മഞ്ഞ, കറുപ്പ്, നീല എന്നിവയുൾപ്പെടെ മൂന്ന് നിറങ്ങളിൽ ഇത് ലഭ്യമാകും. മിഡ്-റേഞ്ച് ഫോണിന് ഐപി53 റേറ്റിങ്ങും കോണിങ് ഗൊറില്ല 5ന്റെ സുരക്ഷയുമുണ്ട്. ക്വാൽകോം സ്നാപ്ഡ്രാഗൺ 778ജി ആണ് പ്രോസസർ. പിന്നിൽ ട്രിപ്പിൾ ക്യാമറ സജ്ജീകരണമാണ്. ഇതിൽ 108 മെഗാപിക്സൽ പ്രൈമറി ക്യാമറയും ഉൾപ്പെടുന്നു. 8 മെഗാപിക്സൽ അൾട്രാ വൈഡ് ആംഗിൾ ക്യാമറ, 2 മെഗാപിക്സൽ മാക്രോ ക്യാമറയും എന്നിവയാണ് മറ്റു രണ്ട് ക്യാമറകൾ. ഈ ഫോൺ ഉപയോഗിച്ച് 4കെ വിഡിയോ വരെ റെക്കോർഡ് ചെയ്യാം. മുൻവശത്ത് 16 മെഗാപിക്സലിന്റേതാണ് സെൽഫി ക്യാമറ.67W ഫാസ്റ്റ് ചാർജിങ് ശേഷിയുള്ള 5,000 എംഎഎച്ച് ആണ് ബാറ്ററി. 5W റിവേഴ്സ് ചാർജിങ്ങിനുള്ള പിന്തുണയും ഇതിനു നൽകിയിട്ടുണ്ട്.
