സ്മാർട്ട്ഫോൺ രംഗത്തെ ചൈനീസ് പ്രധാനികളായ ഒപ്പോ K9 5ജി എന്ന പേരിൽ പുത്തൻ 5ജി സ്മാർട്ട്ഫോൺ അവതരിപ്പിച്ചു.ചൈനയിലാണ് ഒപ്പോ K9 5ജിയുടെ അവതരണം നടന്നത്. മികച്ച പ്രോസസ്സർ എന്ന് പേരെടുത്തിട്ടുള്ള ക്വാൽകോം സ്നാപ്പ്ഡ്രാഗൺ 768g SoC പ്രോസസ്സർ, 5 മിനിറ്റ് ചാർജ് ചെയ്താൽ 2 മണിക്കൂർ വരെ ഫോൺ ഉപയോഗിക്കാവുന്ന 65W ഫാസ്റ്റ് ചാർജിങ് എന്നിവയുമായാണ് ഒപ്പോ K9 5ജിയുടെ വരവ്.ഒപ്പോ K9 5ജിയുടെ 8 ജിബി റാം + 128 ജിബി സ്റ്റോറേജ് പതിപ്പിന് 1,899 യുവാൻ (ഏകദേശം 21,600 രൂപ), 8 ജിബി റാം + 256 ജിബി സ്റ്റോറേജ് പതിപ്പിന് 2,199 യുവാൻ (ഏകദേശം 25,000 രൂപ) എന്നിങ്ങനെയാണ് വില. ബ്ലാക്ക്, ഗ്രേഡിയന്റ് നിറങ്ങളിൽ അവതരിപ്പിച്ചിരിക്കുന്ന ഒപ്പോ K9 5ജി അധികം താമസമില്ലാതെ ഇന്ത്യയടക്കമുള്ള ആഗോള വിപണയിലുമെത്തും.
ആൻഡ്രോയിഡ് 11 അടിസ്ഥാനമായ കളർ ഒഎസ് 11.1 ൽ പ്രവർത്തിക്കുന്ന ഡ്യുവൽ സിം (നാനോ) ഫോൺ ആണ് ഒപ്പോ K9 5ജി. 6.43 ഇഞ്ച് ഫുൾ എച്ച്ഡി + (1,080×2,400 പിക്‌സൽ) ഡിസ്‌പ്ലേയാണ് ഫോണിന്. അഡ്രിനോ 620 ജിപിയുവുമായി ജോടിയാക്കിയ ക്വാൽകോം സ്‌നാപ്ഡ്രാഗൺ 768 ജി SoC പ്രൊസസ്സറാണ് സ്മാർട്ട്‌ഫോണിന്റെ കരുത്ത്.ഗെയിം കളിലുന്ന സമയങ്ങളിൽ ഫോണിന്റെ താപനില കൂടുന്നത് ഒഴിവാക്കാൻ മെച്ചപ്പെട്ട വലിയ ഏരിയ വിസി ലിക്വിഡ്-കൂൾഡ് ഹീറ്റ് സിങ്ക് കോപ്പർ പ്ലേറ്റ്, മൾട്ടി-ലെയർ തെർമൽ കണ്ടക്റ്റീവ് ഗ്രാഫൈറ്റ് ഷീറ്റ് എന്നിവ ഓപ്പോ K9 5ജിയിൽ ക്രമീകരിച്ചിട്ടുണ്ട്.എഫ് / 1.7 ലെൻസുള്ള 64 മെഗാപിക്സൽ പ്രൈമറി സെൻസർ, അൾട്രാ വൈഡ് ആംഗിൾ എഫ് / 2.2 ലെൻസുള്ള 8 മെഗാപിക്സൽ സെൻസർ, 2 മെഗാപിക്സൽ ഒരു എഫ് / 2.4 ലെൻസുള്ള മാക്രോ ഷൂട്ടർ എന്നിവ ചേർന്ന ട്രിപ്പിൾ ക്യാമെറായാണ് ഒപ്പോ K9 5ജിയ്ക്ക്. എഫ് / 2.4 അപ്പർച്ചറുള്ള 32 മെഗാപിക്സൽ സെൽഫി ഷൂട്ടർ ആണ് പുത്തൻ ഒപ്പോ ഹാൻഡ്സെറ്റിന്.65W ഫാസ്റ്റ് ചാർജിംഗ് സാങ്കേതികവിദ്യയെ പിന്തുണയ്ക്കുന്ന 4,300 എംഎഎച്ച് ബാറ്ററിയാണ് ഓപ്പോ K9 5ജിയിൽ. 35 മിനിറ്റിനുള്ളിൽ ഒപ്പോ K9 5ജിയെ പൂർണ്ണമായും ചാർജ് ചെയ്യാം. വൈഫൈ 5, 5ജി, ബ്ലൂടൂത്ത്, 3.5 എംഎം ഹെഡ്‌ഫോൺ ജാക്ക്, യുഎസ്ബി ടൈപ്പ്-സി പോർട്ട് എന്നിവ ഹാൻഡ്‌സെറ്റിലെ കണക്റ്റിവിറ്റി ഓപ്ഷനുകൾ.
