30 ദിവസം വാലിഡിറ്റിയുള്ള റീച്ചാര്ജ് പ്ലാനുകള് അവതരിപ്പിച്ച് രാജ്യത്തെ ടെലികോം കമ്പനികള്.ഇതോടൊപ്പം എല്ലാ മാസവും ഒരേ ദിവസം പുതുക്കാന് സാധിക്കുന്ന റീച്ചാര്ജ് പ്ലാനുകളും കമ്പനികള് അവതരിപ്പിച്ചു.ടെലികോം റെഗുലേറ്ററി അതോറിറ്റിയുടെ (ട്രായ്) ചട്ടഭേദഗതിയെ തുടര്ന്നാണ് കമ്പനികള് പുതിയ പ്ലാനുകള് അവതരിപ്പിച്ചത്.കമ്പനികളെല്ലാം ഒരുമാസത്തെ പ്ലാന് എന്ന പേരില് 28 ദിവസം വാലിഡിറ്റിയുള്ള പ്ലാനുകളാണ് നിലവിൽ ലഭ്യമാക്കിയിരുന്നത്. ഈ രീതിയില് റീച്ചാര്ജ് ചെയ്യുമ്പോള് ഒരു വര്ഷം 13 മാസം റീച്ചാര്ജ് ചെയ്യേണ്ടി വരും. ഇങ്ങനെ ഒരു വര്ഷം ഒരു മാസത്തെ അധിക ലാഭം കമ്പനികള് ഉണ്ടാക്കുന്നതിനെതിരെ ഉപഭോക്താക്കളില് നിന്ന് പരാതി ഉയര്ന്നിരുന്നു. ഇത് പരിഗണിച്ചാണ് കമ്പനികള് 30 ദിവസം വാലിഡിറ്റിയുള്ളതും അല്ലെങ്കില് മാസം ഒരേ ദിവസം പുതുക്കാന് സാധിക്കുന്നതുമായ ഒരു റീച്ചാര്ജ് പ്ലാനെങ്കിലും ലഭ്യമാക്കണമെന്ന് ട്രായ് നിര്ദേശിച്ചത്.
Related Articles
Check Also
Close