സഹപാഠികളുമായി ഒത്തുചേരാൻ വിദ്യാർത്ഥികളെ സഹായിക്കുക എന്ന ലക്ഷ്യവുമായി ‘ഫെയ്സ്ബുക്ക് ക്യാമ്പസ്’ എന്ന കോളേജ് വിദ്യാർഥികൾക്കു മാത്രമുള്ള ഓൺലൈൻ ഇടം ഫേസ്ബുക്ക് ആരംഭിക്കുന്നു. മിക്ക കാമ്പസുകളും ഭാഗിക അല്ലെങ്കിൽ മുഴുവൻ സമയ ഓൺലൈൻ പഠനത്തിലേക്ക് മാറുമ്പോൾ, തുടക്കത്തിൽ കോളേജുകൾക്ക് മാത്രമുള്ള ഒരു നെറ്റ്‌വർക്ക് ആയതിനാൽ ഫെയ്സ്ബുക്കിന്റെ വേരുകളിലേക്ക് ഇത് നയിക്കും.
ഫെയ്സ്ബുക്ക് ക്യാമ്പസ് യുഎസിലെ 30 സർവ്വകലാശാല കളിലേക്കായിരിക്കും ആദ്യം വ്യാപിപ്പിക്കുക. ഇന്ത്യയുൾപ്പെടെയുള്ള മറ്റ് രാജ്യങ്ങളിൽ എപ്പോൾ പ്രവർത്തനമാരംഭിക്കും എന്നകാര്യം ഫെയ്സ്ബുക്ക് ഇതുവരെ വെളിപ്പെടുത്തിയിട്ടില്ല.
പ്രധാന ഫെയ്സ്ബുക്ക് ആപ്ലിക്കേഷന്റെ സമർപ്പിത വിഭാഗയിരിക്കും ഫേസ്ബുക്ക് ക്യാമ്പസ്. വിദ്യാർഥികൾക്ക് അവരുടെ പ്രധാന ഫേസ്ബുക്ക് പ്രൊഫൈലിൽ നിന്ന് വ്യത്യസ്തമായ ഒരു ക്യാമ്പസ് പ്രൊഫൈൽ സൃഷ്ടിക്കേണ്ടതുണ്ട്. അതിനായി അവർക്ക് കോളേജ് ഇമെയിലും ബിരുദ വർഷവും ആവശ്യമാണ്. ഒപ്പം ഫേസ്ബുക്ക് ക്യാമ്പസിൽ വിദ്യാർത്ഥികൾക്ക് അവരുടെ സ്കൂളിന് സവിശേഷമായ ഗ്രൂപ്പുകളും ഇവന്റുകളും കണ്ടെത്തുവാനും സമാന താല്പര്യമുള്ള സഹപാഠികളുമായി ബന്ധപ്പെടുവാനും സാധിക്കും.
സാധാരണ ഫേസ്ബുക്കിൽ നിന്ന് ഫേസ്ബുക്ക് ക്യാമ്പസിനെ വേറിട്ടുനിർത്തുന്നു ഒരു സവിശേഷത കോളേജ് നിർദ്ദിഷ്ട വാർത്താ ഫീഡറാണ്. അവിടെ വിദ്യാർഥികൾക്ക് സഹപാഠികൾ, ഗ്രൂപ്പുകൾ, ഇവന്റുകൾ എന്നിവയിൽനിന്ന് അപ്ഡേറ്റുകൾ ലഭിക്കും. ഒപ്പം ഫേസ്ബുക്ക് ക്യാമ്പസ് ഒരു സഹപാഠി ഡയറക്ട്ടറിയും ചാറ്റ് റൂം സവിശേഷതയും വാഗ്ദാനം ചെയ്യുന്നു.
ഫെയ്സ്ബുക്ക് ക്യാമ്പസ് ആരംഭിക്കുന്ന യുഎസ് സർവകലാശാലകളിൽ ബ്രൗൺ സർവ്വകലാശാല ഉൾപ്പെടുന്നു.
