ധനനയ അവലോകന യോഗത്തിൽ റിപ്പോ നിരക്ക് വർധിപ്പിച്ച് ആർബിഐ. 25 ബേസിസ് പോയിന്റുകളാണ് നിരക്കുയർത്തിയത്.പണപ്പെരുപ്പം പിടിച്ചുനിർത്താൻ കഴിഞ്ഞ വർഷം മേയ് മുതൽ ആർബിഐ റിപ്പോ നിരക്കിൽ 250 ബേസിസ് പോയിന്റുകളുടെ വർധനയാണ് വരുത്തിയിരിക്കുന്നത്.ആർബിഐ റിപ്പോ നിരക്ക് 6.25 ശതമാനമാണ്. റിവേഴ്സ് റിപ്പോ നിരക്ക് 3.35 ശതമാനമായി നിലനിർത്തി. 6.50 ശതമാനമാണ് ബാങ്ക് നിരക്ക്. ഫെബ്രുവരി ആറ് മുതൽ ഫെബ്രുവരി എട്ട് വരെ നീണ്ടു നിന്ന ധനനയ അവലോകന യോഗം കേന്ദ്രബജറ്റിന് ശേഷമുള്ള ആദ്യ യോഗമായിരുന്നു. സാമ്പത്തിക വളർച്ചാ അനുമാനത്തിൽ ആർബിഐ മാറ്റം വരുത്തിയിട്ടുണ്ട്. 2024 സാമ്പത്തിക വർഷത്തിലെ ആർജിഡിപി ലക്ഷ്യം 6.4 ശതമാനമായി പുതുക്കി നിശ്ചയിച്ചു. ആദ്യ പാദത്തിൽ 7.8 ശതമാനം വളർച്ച പ്രതീക്ഷിക്കുന്നു.ഒൻപത് മാസത്തിനിടെ പലിശനിരക്ക് ഉയരുന്നത് ഇത് തുടർച്ചയായ ആറാം തവണയാണ്. റിപ്പോ നിരക്ക് ഉയരുന്നതിന് പിന്നാലെ ബാങ്കുകൾ റിപ്പോ അധിഷ്ഠിത ലോണുകളുടെ പലിശ ഇയർത്തുന്നത് വ്യക്തിഗത വായ്പകളുടെ ഉൾപ്പെടെ പലിശ വർധിക്കാൻ കാരണമാകും. വാഹന വായ്പയുടെയും നിരക്കുയരും.അടുത്ത കാലത്ത് ഭവന വായ്പാ പലിശ നിരക്കുകൾ ഉയർന്നെങ്കിലും വീട് വിൽപ്പന ഉയർന്നിട്ടുണ്ട്. ആഡംബര വിഭാഗമാണ് റിയൽ എസ്റ്റേറ്റ് മേഖലയിൽ വിൽപ്പനയിൽ മുന്നിട്ട് നിൽക്കുന്നത്. 2023 വരെ ഇത് തുടരുമെന്നാണ് പ്രതീക്ഷിക്കുന്നത്. അതേസമയം വായ്പാ പലിശ നിരക്ക് വർധന സാധാരണക്കാർക്ക് തിരിച്ചടിയാകും.
