ഇ-കോമേഴ്‌സ് വെബ്‌സൈറ്റ് ആയ ഫ്ലിപ്കാർട്ട് ബിഗ് സേവിങ് ഡേയ്സ് ആരംഭിച്ചു. ഞായറാഴ്ച മുതൽ ആരംഭിച്ച ഫ്ലിപ്കാർട്ട് ബിഗ് സേവിങ് ഡേയ്സ് ഈ മാസം ഏഴാം തിയതിവരെ തുടരും. വിവിധ മൊബൈൽ ഫോണുകൾ, ലാപ്‌ടോപ്പുകൾ, ധരിക്കാവുന്ന ഡിവൈസുകൾ, മറ്റ് ഗാഡ്‌ജെറ്റുകൾ എന്നിവയ്ക്ക് മികച്ച ഓഫറുകളാണ് ഫ്ലിപ്കാർട്ട് ബിഗ് സേവിങ് ഡേയ്സ് ഒരുക്കിയിരിക്കുന്നത്. ഇത് കൂടാതെ സ്മാർട്ട് ടിവികൾ, ടാബ്‌ലെറ്റുകൾ, ഓഡിയോ ഉപകരണങ്ങളായ ഹെഡ്‌ഫോണുകൾ, ബ്ലൂടൂത്ത് സ്പീക്കറുകൾ എന്നിവയും വിലക്കുറവിൽ വാങ്ങാൻ ബിഗ് സേവിങ് ഡേയ്സ് അവസരമൊരുക്കുന്നതായി ഫ്ലിപ്കാർട്ട് വ്യക്തമാക്കി.
ആപ്പിൾ, റിയൽമി, സാംസങ്, ഷഓമി തുടങ്ങിയ പ്രമുഖ സ്മാർട്ട്ഫോൺ കമ്പനികളുടെ ഫോണുകൾക്കാണ് വിലക്കിഴിവുള്ളത്. സാംസങ് ഗാലക്സി F62-ന് 17,999 രൂപയാണ് ഫ്ലിപ്കാർട്ട് ബിഗ് സേവിങ് ഡെയ്‌സിൽ വില. ഈ സ്മാർട്ട്ഫോണിന്റെ വില യഥാർത്ഥത്തിൽ ആരംഭിക്കുന്നത് 23,999 രൂപ മുതലാണ്. F സീരീസിലെ മറ്റൊരു ഫോൺ ആയ സാംസങ് ഗാലക്സി F41-ന് ഫ്ലിപ്പ്കാർട്ടിൽ ഇപ്പോൾ 12,999 രൂപയാണ് വില. 14,999 രൂപ വിലയുള്ള ഫോൺ 2,000 രൂപ വിലക്കിഴിവിൽ ആണ് ബിഗ് സേവിങ് ഡേയ്‌സിൽ വിൽക്കുന്നത്. സാംസങ് ഗാലക്സി F12-ന്റെ വില 1,000 രൂപ കുറച്ച് 9,999 രൂപയ്ക്ക് ഫ്ലിപ്പ്കാർട്ടിൽ ഇപ്പോൾ വാങ്ങാം.റിയൽമിയുടെ ബജറ്റ് 5ജി ഫോൺ ആയ നാർസോ 30 പ്രോ 5ജിക്ക് 1,000 രൂപയാണ് കിഴിവ്. ഫ്ലിപ്പ്കാർട്ടിൽ ഇപ്പോൾ 15,999 രൂപയ്ക്ക് ഇപ്പോൾ ഫോൺ ലഭ്യമാണ്. അതെ സമയം പ്രീമിയം 5ജി ഫോൺ ആയ റിയൽമി X50 പ്രോയുടെ വില 31,999 രൂപയിൽ നിന്നും കുറഞ്ഞ് 24,999 രൂപയ്ക്കാണ് ഇപ്പോൾ ഫ്ലിപ്കാർട്ടിൽ വിൽക്കുന്നത്. 29,999 രൂപ വിലയുള്ള റിയൽമി X7 പ്രോ 5ജി, ബിഗ് സേവിങ് ഡേയ്‌സിൽ 27,999 രൂപയ്ക്ക് വാങ്ങാം.ആപ്പിളിന്റെ ഐഫോൺ 11-ന് 7,000 രൂപയുടെ ഡിസ്‌കൗണ്ട് ആണ് പ്രഖ്യാപിച്ചിരിക്കുന്നത്. 44,999 രൂപ മുതലാണ് ഐഫോൺ 11-ന്റെ വില ഫ്ലിപ്കാർട്ട് ബിഗ് സേവിങ് ഡേയ്‌സിൽ ആരംഭിക്കുന്നത്.മേല്പറഞ്ഞ ഫോണുകൾ കൂടാതെ റിയൽമി നാർസോ 20 പ്രോ, റിയൽമി 7, മോട്ടോ E7 പവർ, ഇൻഫിനിക്‌സ് സ്മാർട്ട് 4 പ്ലസ്, ഇൻഫിനിക്‌സ് സീറോ 8i, ഐക്യൂ 3 ഫോണുകളും ഫ്ലിപ്കാർട്ട് ബിഗ് സേവിങ് ഡേയ്‌സിൽ വിലക്കുറവിൽ വാങ്ങാം.
