ഡല്ഹിയില് ഓടുന്ന കാറുകളില് ഇന്ധനം വ്യക്തമാക്കുന്ന സ്റ്റിക്കറുകള് നിര്ബന്ധമാക്കാന് നടപടികളുമായി സർക്കാർ. വിവിധ ഇന്ധനം വ്യക്തമാക്കുന്ന കളര് കോഡുള്ള ഇന്ധന സ്റ്റിക്കറുകളാണ് വാഹനങ്ങളില് പതിക്കേണ്ടത്. ഡീസലില് ഓടിക്കുന്ന വാഹനങ്ങളുടെ വിന്ഡ്ഷീല്ഡില് ഓറഞ്ച് നിറത്തിലുള്ള സ്റ്റിക്കറും പെട്രോള്, സി.എന്.ജി. ഇന്ധനങ്ങളില് ഓടുന്ന വാഹനങ്ങള്ക്ക് ഇളം നീല സ്റ്റിക്കറുകളും ഉണ്ടായിരിക്കണം.മലിനീകരണവുമായി ബന്ധപ്പെട്ട എന്ഫോഴ്സ്മെന്റ് പരിശോധന സമയത്ത് ദൂരെനിന്ന് വാഹനത്തില് ഉപയോഗിക്കുന്ന ഇന്ധനം തിരിച്ചറിയാനാണ് ഇത്. 2018 ഓഗസ്റ്റ് 13- ലെ സുപ്രീം കോടതിയുടെ ഉത്തരവ് പ്രകാരം ഇത്തരം ക്രോമിയം അധിഷ്ഠിത ഹോളോഗ്രാം സ്റ്റിക്കറുകള് പതിക്കേണ്ടത് നിര്ബന്ധമാണ്.നിയമം ലംഘിക്കുന്നവരില്നിന്ന് 5,500 രൂപ പിഴയിടാക്കും. പുതിയ ഗ്രേഡഡ് റെസ്പോണ്സ് ആക്ഷന് പ്ലാനിന്റെ (ജി.ആര്.എ.പി) ഭാഗമായി എയര് ക്വാളിറ്റി ഇന്ഡക്സ് മെച്ചപ്പെടുത്താന് ഡീസല് വാഹനങ്ങള് റോഡുകളില്നിന്ന് നിരോധിക്കാന് പോകുന്ന സാഹചര്യത്തില്, സ്റ്റിക്കറുകള് സഹായപ്രദമാകും.പുതിയ ജി.ആര്.എ.പി നടപടികള് നടപ്പാക്കുന്നതിനുള്ള കൃത്യമായ മാര്ഗനിര്ദേശങ്ങള് തീരുമാനിച്ചിട്ടില്ലെങ്കിലും ഇത്തരം വാഹനങ്ങളെ കണ്ടെത്താന് ഏറ്റവും ഫലപ്രദമായ മാര്ഗം കളര്-കോഡഡ് ഇന്ധന സ്റ്റിക്കറുകളുടെ നടപ്പാക്കലാണെന്ന് വൃത്തങ്ങള് പറഞ്ഞു.
Related Articles
Check Also
Close
-
എക്സ്റ്ററിന്റെ ആദ്യ യൂണിറ്റ് പുറത്തിറക്കി ഹ്യുണ്ടായിJune 24, 2023