ഫോക്സ്കോൺ, വിസ്ട്രോൺ, പെഗട്രോൺ എന്നിവ ഇന്ത്യൻ സ്മാർട്ട്ഫോൺ പ്രോത്സാഹന പദ്ധതിക്കായി 900 മില്യൺ ഡോളർ നൽകുന്നു
അടുത്ത അഞ്ചു വർഷത്തിനുള്ളിൽ 900 ദശലക്ഷം ഡോളർ(ഏകദേശം 6,630 കോടി രൂപ) ഇന്ത്യയിൽ നിക്ഷേപിക്കാൻ ആപ്പിളിന്റെ മുൻനിര കരാർ നിർമ്മാതാക്കളായ ഫോക്സ്കോൺ, വിസ്ട്രോൺ, പെഗട്രോൺ എന്നിവ പദ്ധതിയിടുന്നു. ഇന്ത്യയുടെ പുതിയ 6.65 ബില്യൺ ഡോളർ പ്രൊഡക്ഷൻ ലിങ്ക്ഡ് ഇൻസെന്റീൻ പദ്ധതി 2019-2020 ലെവൽ ഇനി അപേക്ഷിച്ച് അടുത്ത അഞ്ച് വർഷത്തിനുള്ളിൽ പ്രാദേശികമായി നിർമിച്ച സ്മാർട്ട്ഫോണുകളുടെ വിൽപ്പനയിൽ വർദ്ധനവ് വരുത്തുന്നതിന് കമ്പനികൾക്ക് ക്യാഷ് ഇൻസെന്റീവ് നൽകുന്നു.ഇന്ത്യയെ കയറ്റുമതി നിർമ്മാണ കേന്ദ്രമാക്കി മാറ്റുക എന്നതാണ് പദ്ധതിയുടെ ലക്ഷ്യം.
ഏകദേശം 4000 കോടി രൂപ ഫോക്സ്കോണും 1,300 കോടി രൂപ വിസ്ട്രോണും പെഗട്രോണും നിക്ഷേപിക്കും. പിഎൽഐ പദ്ധതി പ്രകാരം 1200 കോടി രൂപയും നിക്ഷേപിക്കും. ഇന്ത്യയിലെ ആപ്പിൾ ഉപകരണങ്ങളുടെ ഉൽപ്പാദനം വർദ്ധിപ്പിക്കുകയെന്ന ലക്ഷ്യത്തോടെണോ നിക്ഷേപം നടത്തുന്നതെന്ന് വ്യക്തമല്ലെങ്കിലും രാജ്യത്ത് ഐഫോൺ നിർമ്മാണം വിപുലീകരിക്കുന്നതിൽ ഭൂരിപക്ഷവും ശ്രദ്ധ കേന്ദ്രീകരിക്കുമെന്ന് വ്യവസായ മേഖലയിലുള്ളവർ അഭിപ്രായപ്പെടുന്നു.
ഫോക്സ്കോൺ, വിസ്ട്രോൺ, പെഗട്രോൺ എന്നിവ ആഗോളതലത്തിൽ ആപ്പിൾ ഒഴികെയുള്ള കമ്പനികൾക്കായി ഉപകരണങ്ങൾ നിർമിക്കുന്നുണ്ടെങ്കിലും വിസ്ട്രോൺ നിലവിൽ ഇന്ത്യയിൽ ആപ്പിൾ ഉപകരണങ്ങൾ മാത്രമേ വിതരണം ചെയ്യുന്നുള്ളൂ. ഏകദേശം 200,000 രണ്ടാംതലമുറ ഐഫോൺ സെൻസറുകൾ പ്രതിമാസം ഇന്ത്യയിലെത്തിക്കുന്ന വിസ്ട്രോൺ വർഷാവസാനത്തോടെ പ്രതിമാസം ഇത് 400,000 വരെ സ്കെയിൽ ചെയ്യാൻ പദ്ധതിയിടുന്നുവെന്നും അറിയിച്ചിട്ടുണ്ട്. ഇത് പതിനായിരത്തോളം തൊഴിലവസരങ്ങൾ സൃഷ്ടിക്കുമെന്നാണ് പ്രതീക്ഷിക്കുന്നത്.
പെഗട്രോൺ ഇതുവരെ ഇന്ത്യയിൽ പ്രവർത്തനമാരംഭിച്ചിട്ടില്ലെങ്കിലും പ്രവർത്തനം ആരംഭിക്കുന്നതിന്റെ ഭാഗമായി പല സംസ്ഥാനങ്ങളുമായി ചർച്ചകൾ നടത്തിവരികയാണ്. ഇന്ത്യയിൽ ഷവോമിക്കായി ഉപകരണങ്ങൾ കൂട്ടിച്ചേർക്കുന്ന ഫോക്സ്കോണിന് ഇതിനകംതന്നെ ഷവോമിയുടെ ആവശ്യങ്ങൾ നിറവേറ്റാനുള്ള ശേഷിയുണ്ടെന്നും ഐഫോൺ ഉൽപാദനം വർധിപ്പിക്കുന്നതിന് ഇത് സഹായിക്കുമെന്നും ചില വൃത്തങ്ങൾ പറയുന്നു. ബാംഗ്ലൂരിലെ ടെക് ഹബ്ബിലെ വിസ്ട്രോണിന്റെ ലോക്കൽ യൂണിറ്റ് വഴി ആപ്പിൾ 2017 ഇന്ത്യയിൽ കുറഞ്ഞ നിരക്കിൽ ഐ ഫോണുകൾ അസംബ്ലി ചെയ്യാൻ തുടങ്ങിയിരുന്നു. ഇത് പിന്നീട് ഉൽപാദനം വർദ്ധിപ്പിച്ചു.
