ടെസ്ലയുടെയും സ്പേസ് എക്സിന്റേയും സ്ഥാപകനും സിഇഒയുമായ ഇലോൺ മാസ്ക് ലോക കോടീശ്വര പട്ടികയിൽ രണ്ടാമനായി. ഏറ്റവും പുതിയ കണക്കുകൾ പ്രകാരം 127.9 ബില്യൻ ഡോളറാണ് അദ്ദേഹത്തിൻറെ ആസ്തി.ബിൽ ഗേറ്റ്സിനെയാണ് ഈ 49 കാരൻ മറികടന്നിരിക്കുന്നത്. ലോക കോടീശ്വര പട്ടികയിൽ ഒന്നാമനായ ജെഫ് ബെസോസിന്റ ആസ്തി 182 ബില്യൺ ഡോളറാണ്.
ചുരുങ്ങിയ കാലം കൊണ്ടാണ് ഇലോൺ മാസ്ക്, ജെഫ് ബെസോസിന്റെ തൊട്ടുപിന്നിലെത്തിയത്. 2020 ജനുവരിയിലെ കണക്കുപ്രകാരം ബ്ലൂംബർഗ് ബില്യണേഴ്സ് ഇൻഡക്സിൽ 35-ാം സ്ഥാനക്കാരനായിരുന്നു ഇലോൺ മാസ്ക്. അതായത് 2020ൽ മാത്രം അദ്ദേഹത്തിൻറെ ആസ്തിയിലുണ്ടായ വളർച്ച 100.3 ബില്യൺ ഡോളറാണ്. വർഷങ്ങളായി ലോക കോടീശ്വരന്മാരിൽ ഒന്നാമനായിരുന്ന ബിൽ ഗേറ്റ്സിനെ 2017 ആമസോൺ സ്ഥാപകൻ ജെഫ് ബെസോസ് പിന്നിലായിരുന്നു. 127.7 ബില്യൺ ഡോളറാണ് ബിൽഗേറ്റ്സിന്റെ ആസ്തി.
