ദീപാവലി ഓഫറുകൾ പ്രഖ്യാപിച്ച് ബാറ്റിൽഗ്രൗണ്ടസ് മൊബൈൽ ഇന്ത്യ

പബ്ജിയുടെ പകരക്കാനായി ഇന്ത്യയിൽ തിരിച്ചെത്തിയ ബാറ്റിൽഗ്രൗണ്ടസ് മൊബൈൽ ഇന്ത്യ ഗെയിം കളിക്കുന്നവർക്ക് ഇൻ-ഗെയിം ക്രെഡിറ്റും യുസിയും (അൺനോൺ ക്യാഷ്) ഒരുക്കി ഗെയിം നിർമ്മാതാക്കളായ ക്രാഫ്റ്റൺ ദീപാവലി ഓഫറുകൾ പ്രഖ്യാപിച്ചു. ഇൻ-ഗെയിം ക്രെഡിറ്റ് വാങ്ങുമ്പോൾ ഗെയിം കളിക്കുന്നവർക്ക് അധിക യുസി ലഭിക്കും എന്നതാണ് ആകർഷണം. ഇത് കൂടാതെ ലക്കി സ്പിന്നുകളുടെ രൂപത്തിൽ അധിക ആനുകൂല്യങ്ങളും ലഭിക്കും.ഇങ്ങനെ ലഭിക്കുന്ന ആനുകൂലങ്ങൾ ഉപയോഗിച്ച് ഇൻ-ഗെയിം സ്റ്റോറിൽ നിന്ന് പുതിയ വസ്ത്രങ്ങൾ, ഹെൽമെറ്റുകൾ, ഇമോട്ടുകൾ എന്നിവ ഗെയ്മിലേക്കായി കളിക്കാർക്ക് വാങ്ങാനാവും.ഫേസ്ബുക്ക് പോസ്റ്റിലൂടെയാണ് ബാറ്റിൽഗ്രൗണ്ട്സ് മൊബൈൽ ഇന്ത്യയ്ക്കുള്ള ദീപാവലി ഓഫറുകൾ പ്രഖ്യാപിച്ചത്. ബാറ്റിൽഗ്രൗണ്ട്സ് മൊബൈൽ ഇന്ത്യയുടെ ദീപാവലി ആഘോഷങ്ങളുടെ ഭാഗമാണ് ഫ്രീ-ടു-പ്ലേ ബാറ്റിൽ റോയൽ ഗെയിമിനുള്ള ഈ ഇൻ-ഗെയിം ഓഫറുകൾ.ഇൻ-ഗെയിം ക്രെഡിറ്റ് ബണ്ടിലുകൾ വാങ്ങുന്ന കളിക്കാർക്ക് ക്രാഫ്റ്റൺ അധിക യുസി നൽകും. 60 യുസിയുള്ള അടിസ്ഥാന പാക്കിന് 89 രൂപയാണ് വില. 449 രൂപയുടെ പായ്ക്കിന് 300 യുസിയും 25 ബോണസ് യുസിയും ലഭിക്കും.മെയിൻ മെനുവിലെ യുസി ഐക്കണിൽ ക്ലിക്ക് ചെയ്ത് യുസികൾ വാങ്ങാം. ലക്കി സ്പിന്നുകളിലൂടെ കളിക്കാർക്ക് ക്രാഫ്റ്റൺ അധിക ആനുകൂല്യങ്ങളും വാഗ്ദാനം ചെയ്യും. കളിക്കാർക്ക് നെതർ അരിസ്റ്റോ സെറ്റ്, പംകിൻ കവലിയർ സെറ്റ്, പംകിൻ കവലിയർ കവർ, മെക്കാ റീപ്പർ സെറ്റ്, ബോണ്ട്സ് ഓഫ് ബ്ലഡ് സെറ്റ്, മെക്കാ ബ്രൂസർ സെറ്റ് എന്നിവ ലക്കി സ്പിന്നുകളിൽ വഴി പരിമിത കാലയളവിലേക്ക് ലഭിക്കും.