Big B
Trending

ഇത്തവണ ബജറ്റ് അച്ചടിക്കില്ല

കോവിഡ സാഹചര്യം കണക്കിലെടുത്ത് ഇത്തവണ ബജറ്റ് പേപ്പറുകൾ അച്ചടിക്കേണ്ടെന്ന് തീരുമാനിച്ചു. പേപ്പർ കോപ്പികൾക്ക് പകരം സോഫ്റ്റ് കോപ്പികളായിരിക്കും ഇത്തവണ വിതരണം ചെയ്യുക. സാമ്പത്തിക സർവേയും പേപ്പറായി അച്ചടിക്കാതെ പാർലമെൻറ് അംഗങ്ങൾക്കെല്ലാം സോഫ്റ്റ് കോപ്പികളായാകും നൽകുക.


രാജ്യത്തിദ്യമായാണ് അച്ചടിക്കാത്ത കോപ്പികളുമായി ബജറ്റ് അവതരിപ്പിക്കുന്നത്. ഈ വരുന്ന ഫെബ്രുവരി ഒന്നിനാണ് ധനമന്ത്രി നിർമല സീതാരാമൻ കേന്ദ്ര ബജറ്റ് അവതരിപ്പിക്കുക. പാർലമെൻറിലെ ബജറ്റ് സമ്മേളനം ജനുവരി 29 ന് ആരംഭിച്ച് ഏപ്രിൽ 8 വരെ തുടരും. ബജറ്റ് സമ്മേളനത്തിന്റെ ആദ്യ സെക്ഷൻ ഫെബ്രുവരി 15 വരെയും രണ്ടാമത്തേത് മാർച്ച് 8 മുതലുമാകും നടക്കുക. ധനമന്ത്രാലയത്തിലുള്ള പ്രസ്സിലാണ് എല്ലാവർഷവും ബജറ്റ് പേപ്പറുകൾ അച്ചടിക്കുക. അച്ചടിച്ച് മുദ്രയിട്ട വിതരണം ചെയ്യുന്നതിനായി രണ്ടാഴ്ച്ചത്തോളം സമയമെടുക്കും. നൂറിലധികം ജീവനക്കാരാണ് ഇതുമായി ബന്ധപ്പെട്ട് പ്രവർത്തിക്കുന്നത്. കോവിഡ് വ്യാപനത്തെ തുടർന്ന് കഴിഞ്ഞവർഷം പാർലമെൻറിന്റെ ശീതകാല സമ്മേളനവും നടന്നിരുന്നില്ല.

Related Articles

Back to top button