Tech
Trending

പതിനായിരക്കണക്കിന് മാക് കമ്പ്യൂട്ടറുകളെ ബാധിച്ച് സിൽവർ സ്പാരോ മാൽവെയർ

29,139 ആപ്പിൾ മാക് കമ്പ്യൂട്ടറുകളെ ഇതിനകം ബാധിച്ചുകഴിഞ്ഞ മാൽവെയർ ഗവേഷകർ കണ്ടെത്തി. ആപ്പിൾ എം വൺ ചിപ്പുകളെ ബാധിക്കുന്ന മാൽവെയർ കണ്ടെത്തിയതിനു പിന്നാലെയാണിത്. ഇന്റൽ x86-64 പ്രൊഫൈലും ആപ്പിളിന്റെ എം വൺ പ്രൊസസറിലും പ്രവർത്തിക്കുന്ന മാക് കമ്പ്യൂട്ടറുകളെയാണ് പുതുതായി കണ്ടെത്തിയ ഈ മാൽവെയർ ബാധിച്ചിരിക്കുന്നത്.


സിൽവർ സ്പാരോ എന്ന് നാമകരണം ചെയ്തിരിക്കുന്ന ഈ മാൽവെയറിൻറെ രണ്ട് പതിപ്പുകൾ കണ്ടെത്തിയതായി റെഡ് കാനറി എന്ന സൈബർ സുരക്ഷാ സ്ഥാപനം പറയുന്നു. എന്നാൽ ഇതിൻറെ ഉദ്ദേശ്ലക്ഷ്യത്തെക്കുറിച്ചോ ഇത് ഇപ്പോഴും സജീവമായ പ്രവർത്തനത്തിലാണോ എന്നതിനെക്കുറിച്ചോ ഗവേഷകർക്ക് വ്യക്തമായിട്ടില്ല. 153 രാജ്യങ്ങളിലെ മാക് ഒഎസ് ഉപകരണങ്ങളായാണ് ഈ മാൽവെയർ ബാധിച്ചിട്ടുള്ളത്. ഇതിൽ യുഎസ്, യുകെ, കാനഡ, ജർമ്മനി, ഫ്രാൻസ് എന്നിവിടങ്ങളിലാണ് ഏറ്റവുമധികം കണ്ടെത്തിയതെന്ന് മാൽവെയർ ബൈറ്റ്സ് പറയുന്നു. അക്രമിച്ച് ഫയലുകളിൽ സാന്നിധ്യമുണ്ടായിരുന്നുവെന്നതിൻറെ തെളിവുകൾ സ്വയം നശിപ്പിക്കാനുള്ള കഴിവും ഇതിനുണ്ട്. മാൽവെയറിൻറെ തുടർന്നുള്ള പ്രവർത്തനങ്ങൾ തടയാനുള്ള നടപടികൾ ആപ്പിൾ സ്വീകരിച്ചു തുടങ്ങിയിട്ടുണ്ട്.

Related Articles

Back to top button