Tech
Trending

ഗാലക്‌സി A52s 5ജിയുടെ വില 5000 രൂപ കുറച്ച് സാംസങ്

ഗാലക്സി A ശ്രേണിയിലേക്ക് ക്വാഡ് റിയർ ക്യാമറകളും ഹോൾ-പഞ്ച് ഡിസ്പ്ലേ ഡിസൈനുമായി കഴിഞ്ഞ വർഷം സെപ്റ്റംബറിലാണ് ഗാലക്‌സി A52s 5ജിയെ സാംസങ് വില്പനക്കെത്തിച്ചത്.6 ജിബി റാം + 128 ജിബി സ്റ്റോറേജ് വേരിയന്റിന് 35,999 രൂപ, 8 ജിബി റാം + 128 ജിബി മോഡലിന് 37,499 എന്നിങ്ങനെയാണ് സാംസങ് ഗാലക്‌സി A52s 5ജിയുടെ വില.എന്നാൽ ഇപ്പോൾ 5000 രൂപ കുറച്ചതായാണ് റിപ്പോർട്ട്. ഇതോടെ 6 ജിബി റാം പതിപ്പിന്റെ വില 30,999 രൂപയായും 8 ജിബി റാം പതിപ്പിന്റെ വില 32,499 രൂപയായും കുറഞ്ഞിട്ടുണ്ട്. വിലക്കുറവ് പക്ഷെ ഓഫ്‌ലൈൻ സ്റ്റോറുകൾ വഴി വാങ്ങുമ്പോൾ മാത്രമേ ലഭിക്കൂ എന്ന് റിപ്പോർട്ട് പറയുന്നു. സാംസങ് വെബ്‌സൈറ്റിൽ ഗാലക്‌സി A52s 5ജിയുടെ സ്റ്റോക്ക് ഇപ്പോൾ ലഭ്യമല്ല.അട്രാക്ടീവ് ബ്ലാക്ക്, അട്രാക്ടീവ് വയലറ്റ്, അട്രാക്ടീവ് വൈറ്റ് നിറങ്ങളിൽ ലഭ്യമായ സാംസങ് ഗാലക്‌സി A52s 5ജി, ആൻഡ്രോയിഡ് 11 അടിസ്ഥാനമായ വൺയുഐ 3-ലാണ് പ്രവർത്തിക്കുന്നത്.64 മെഗാപിക്സൽ പ്രൈമറി സെൻസറും (f/1.8 ഒപ്റ്റിക്കൽ ഇമേജ് സ്റ്റെബിലൈസേഷൻ (OIS) ), 12 മെഗാപിക്സൽ സെക്കൻഡറി സെൻസറും (f/2.2 അൾട്രാ വൈഡ് ലെൻസ്), 5 മെഗാപിക്സൽ മാക്രോ ഷൂട്ടറും, 5 മെഗാപിക്സൽ ടെലിഫോട്ടോ സെൻസറും ചേർന്ന ക്വാഡ് ക്യാമെറായാണ് സാംസങ് ഗാലക്‌സി A52s 5ജിയ്ക്ക്. മുൻപിൽ 32 മെഗാപിക്സൽ ക്യാമറ സെൻസർ സെൽഫികൾക്കും വീഡിയോ കോളിംഗിനും സാംസങ് നൽകിയിട്ടുണ്ട്.120Hz റിഫ്രഷ് റേറ്റുള്ള 6.5-ഇഞ്ച് ഫുൾ-HD+ സൂപ്പർ അമോലെഡ് ഇൻഫിനിറ്റി-O ഡിസ്പ്ലേയാണ്. ഒക്ടാകോർ ക്വാൽകോം സ്നാപ്ഡ്രാഗൺ 778G SoC ആണ് പ്രോസസ്സർ.25W സൂപ്പർ ഫാസ്റ്റ് ചാർജിംഗിനെ പിന്തുണയ്ക്കുന്ന 4,500mAh ബാറ്ററിയാണ് സാംസങ് ഗാലക്സി A52s 5G പായ്ക്ക് ചെയ്യുന്നത്. പൊടിയും വെള്ളവും ഒരു പരിധിവരെ ചെറുക്കുന്ന ഐപി 67 സർട്ടിഫൈഡ് ബിൽഡ് സഹിതമാണ് ഗാലക്‌സി A52s 5ജി വിപണിയിലുള്ളത്.

Related Articles

Back to top button